Matapos naming kumain ay nagpaalam sa akin si Khazer na mamaya pa raw siya uuwi. Gusto ko sana siyang tanungin tungkol kay Preslyn pero feeling ko ay nakakailang sa part ko. Masisira lamang ang masayang mood na nabuo sa pagitan naming dalawa.
Napagdesisyonan naming manood ng TV sa aking sala. Hindi ko alam kung ano 'yong palabas dahil parang wala akong naiintindihan. Masyado ko kasing pinapakinggan ang t***k ng puso ko habang katabi ko siya. Hindi ako maka-concentrate sa pinapanood dahil sa kaniya. Kaming dalawa lang ang nandidito at masyado pang nakakabingi ang katahimikan.
"Sino ba 'yong Greg na 'yon? 'Yong kasama natin kanina?" basag niya sa katahimikan naming dalawa.
"A friend, maybe!" Nagkibit-balikat ako sa sagot ko.
"Ba't 'di mo alam?" tanong niya sa akin.
"We're not really c
