Naalimpungatan siya sa pakiramdam na may mga matang nakatingin sa kanya,kaya naman marahan niyang iminulat ang kanyang mata at bumungad sa paningin niya ang kanyang mama.Nakaupo ito sa gilid ng kama habang nakatingin sa kanya.
"Mama"
Anas niya na bumangon sa pagkakahiga at isinandal ang likod sa headboard.Hindi siya makatingin dito ng diretso dahil natatakot siyang makita nito sa kanyang mga mata na may itinatago siya dito.Ayaw pa niyang malaman nito na nagbalik na ang kanyang papa,Alam niyang hanggang ngayon mahal na mahal parin nito ang kanyang papa at ang ikinatatakot niya'y muling masaktan ito ayaw na niyang makita itong muling umiyak dahil sa kanyang ama.
"May problema ka ba anak?"
Anito na hindi inaalis ang tingin sa kanya.Inabot din nito ang kamay niya at ipinatong sa kandungan
