C H A P T E R 4 3
HINDI mapakali si Summer, kanina pa siya halos pabaling-baling at hindi pa rin siya makatulog. Marami siyang bagay na iniisip--- isa na rito si Roxanne. Wala pa rin silang balita kung nasaan ito. Hindi man lang kasi nagpaalam si Roxanne sa kanila n'ong umalis ito.
Hangga't sa makaalis siya ng Baguio at kasalukuyan nga na sa Samar na siya ngayon kasama si Daniel--- ang kababata nila ni Roxanne. Ang lalaking may matagal ng gusto sa kaniya at matagal na ring gusto ni Roxanne mula n'ong mga bata pa sila. Iyon nga lang at sadyang hindi natuturuan ang puso.
Malakas ang tiwala niyang lumuwas ng Manila si Roxanne dahil sa kaniya, alam niyang hahanapin nito si Trevor ang kinilala niyang si Pablo.
Nagpahid siya ng luha gamit ang sariling kamay. Ayaw niyang hadlangan ang pagk
