"UMALIS pala si Charie?" Patay malisyang hindi narinig ni Roxanne ang tanong sa kaniya ni Trevor. Nanatili ang tingin niya sa cellphone niya. Pasado alas dyes naman na ng umaga--- break time na nila kung tutuusin pero hindi pa rin bumabalik ang kaibigan niyang si Charie. Hindi niya nga alam kung saan na ito nagawi. Nag-text pa naman siya dito para magpabili ng turon o di kaya banana cue, pero wala man lang itong reply sa kaniya. Hindi niya nga alam kung natanggap ba nito ang text niya e. Nakaramdam naman siya ng pag-aalala para sa kaibigan, naisip niya na lang na baka nagpapalamig na naman ito sa mall na malapit sa pinuntahan nito. Nabanggit nga pala sa kaniya ni Charie na mahilig talaga ito tumambay sa mall lalo na pag walang ginagawa. Baka doon na ito inabot ng break time. Pero may usa
