مها و المزرعة

*البارت الرابع* لحظة وصول المزرعة

وصول الاستاذ سعيد ومها ابنته الي المزرعه ونزولهم من سيارتهم الخاصه

الاب: يالا يا مها خلاص وصلنا

مها: وصلنا فين ؛ هي دي المزرعه ؛ دي فاضيه ومكان مهجور وكلها تراب وشويه كركبه ؛ انت بتتكلم بجد يا بابا هي دي المزرعه ؛ هنعيش هنا ازاي

الاب: احنا هننضفها وهنرجعها احسن من الاول كمان والمبلغ البسيط الي معايا نشتري بيه بعض الح*****ت كده ونعمر بيه المزرعه المهجوره دي ؛ انتي مش عاوزه تمشي من هنا بسرعه

مها : اه اكيد ياريت يا بابا من فضلك

الاب: خلاص يبقي تساعديني في تنضفها وتربيه الح*****ت الي هنشتريها ونكبر المزرعه سوا وبإيدينا علشان الارباح منها نقدر نبني بيها حياه جديده لينا ومستوي احسن من المستوى دا ؛ اتفقنا يا مها

مها : حاضر يا بابا بس انا حاسه مش هقدر ؛ الموضوع صعب عليا ؛ صعب عليا في يوم وليله حالي يتغير كده وكمان هننضف المكان دا كله لوحدنا انا وانت بس ازاي طيب مش هنقدر

الاب: النهارده ننضف بس المكان الي هننام فيه ونجهزه ونرص شنطنا فيه ؛ وكل يوم ننضف جذء جذء مش لازم كله في نفس اليوم ؛ ما تصعبيش الموضوع عليا وعليكي يا حببتي هوني على نفسك علشان نقدر نعيش ونتأقلم علي الوضع الجديد دا

*** طلعوا كل شنطهم وبدأو في تنضيف مكان نومهم وتجهيزه .مها مكملتش ربع ساعه في التنضيف وقالت لوالدها مش هقدر اكمل تنضيف ؛ والاب بدأ يتعصب ويتنرفز

الاب : مش هتنضفي مكانك ؛ هتنامي في مكانك كده انتي حره دلوقتي مافيش حد ينضفلك فرشتك زي الاول ؛ هو دا المتاح خليكي كده مش عارفه تعتمدي علي نفسك في ابسط حاجه ممكن اي بنت تعملها وتساعد ابوها

*** مها بدأت في التنضيف وهي مجبره علشان تعرف تنام في مكان نضيف فعلا زي ما والدها اخبرها وبدأو يخرجوا مستلزماتهم من الشنط ويرصوها في مكانها والوقت اتاخر ؛ ونام والدها ؛ ولاكن مها للاسف مش عارفه تنام ؛ وذهنها شارد ومتضرره جدا من الوضع الحالي وبدأت في التفكير