HINDI MAIWASAN ni Eya na maging tahimik lang habang nagmamaneho sa kaniyang tabi si Zeke. Kasalukuyan na kasi silang papunta sa mall ng binata kung saan ay halos mag a-alas onse na ng tanghali. Nag pasya rin kasi si Zeke kanina na sa mall na lang daw sila kumain ng lunch bago sila mag grocery at pumayag naman siya doon.
Katulad nga nang nabanggit, tahimik lang siya ng mga sandaling ‘yun habang nilalaro niya ang mga kuko ng kamay niya. Medyo kinakabahan kasi siya sapagkat may gusto siyang itanong sa binata pero hanggang ngayon ay nag dadalawang isip pa rin siya. Hindi niya kasi alam kung paano o saan sisimulan lalo na at alam niyang wala naman siyang karapatan na itanong ‘yun.
Inaalala niya kasi ‘yung huling text sa kaniya ng kaibigan niyang si Joy kanina.
‘Itanong mo na kasi kung mayama
