KASALUKUYAN LANG na nasa harapan si Eya ng isang maliit na tindahan na pag-aari ng pamilya ng kaibigan niyang si Joy. Hapon na ng mga oras na ‘yun at wala na rin naman siyang ginagawa sa bahay niya kaya naisipan niyang tumambay muna doon kasama ang kaibigan na kung saan ay sakto naman na ito ang nagbabantay ng tindihan ng mga sandaling ‘yun.
“Hindi ko pa nga alam kung papayag ba si Nanay sa sinabi ko na gusto ko siyang tulungan, alam mo naman di ba... never niya akong pinayagan na mag trabaho kahit noon pa man” mahinang saad ni Eya sa kaibigan niya at saka siya sumipsip sa straw ng softdrinks na binili niya doon. Naka-upo lang siya sa upuan na bato sa harapan ng tindahan na ‘yun habang si Joy naman ay nakaupo rin sa kabilang upuan na nakaharap sa kaniya. Na-ikwento na kasi niya sa kaibig
