HINDI ALAM ni Eya kung anong ire-react niya sa mga binitawan na salita ni Zeke sa kaniya ngayon. Pakiramdam niya ay para siyang binuhusan nang malamig na tubig mula sa pinagkakaupuan niya kaya hindi siya makagalaw. Muli na naman siyang napalunok ng laway.
Hindi alam ni Eya kung ano ang sasabihin niya o ikikilos niya ngayon sa harapan ni Zeke lalo na at diretso pa rin na nakatingin sa kaniya ang binata.
‘Ano ba Eya! Wala naman siyang sinabi na liligawan ka niya, ‘di ba? Sinabi niya lang na ganon talaga siya. Na nakikipag-date muna siya bago magpaalam na manligaw. Wala naman siyang sinabi na liligawan ka niya mismo. ‘Wag kang mag-panic at magpahalata... baka mamaya isipin niya na assuming ka.’ pag saway ni Eya sa sarili niya. Ang totoo ay pinapakalma niya lang ang buong sistema ng katawan
