MAKALIPAS ANG halos dalawang oras na biyahe nila ay nakarating na sila sa Basco Batanes. Saktong mag a-alas onse na ‘yon ng tanghali kaya naman napag-pasyahan nilang dalawa na kumain muna ng lunch. Kasalukuyan lang sila na nagpa-park ng kotse sa may parking area ng isang restaurant kung saan sila kakain. Sabay pa nilang tinanggal ang kanilang mga seatbelt at sabay din na lumabas ng sasakyan.
“Sure ka ba na okay lang na dito tayo kumain?” Biglang tanong ni Zeke sa kaniya na naging dahilan kung bakit niya ito agad na binatuhan nang tingin.
Sunod-sunod ang ginawang pagtango ni Eya bago siya sumagot sa binata, “Oo naman. Sikat kaya itong restaurant na ‘to.”
Dahil nga walang alam masyado ang binata sa lugar ng Basco Batanes kaya si Eya mismo ang nagsasabi kung saan ba sila pupunta o kung saa
