Chapter 37
Ayeesha
HALOS mabulag ako sa mga sunod–sunod na pagclick ng mga camera nang marating ko ang lobby, hinanap ng mga mata ko si Luis pero hindi ko mahagilap ang kinaroroonan ng lalaki. Gusto kong takpan ang mga tenga ko sa mga naririnig pero malabong mangyari iyon dahil ang dalawang kamay ko ay nakatakip sa aking dibdib.
Kung hindi lang sa iilang security guard na humarang baka dinumog na ako ng mga reporter. I wish some miracle would happen. Iyong tipo na bigla na lang akong maglaho sa lugar na ito. Subalit walang nangyayaring himala.
Nang maramdaman kong may humawak sa siko ko. Nang tumingala ako nakita ko ang Kuya Demi. I felt like bursting into tears. Hinila niya ako palayo sa crowd. Sa kauna–unahang pagkakataon, ngayon ko nararamdamang na may kakampi ako sa mga kapatid ko.
