Dahil mabuti naman ang panahon ay isang oras lang ang kanilang biyahe sa eroplano at sila'y nakarating agad sa Ninoy Aquino International Airport. Sinundo agad sila ng driver ng pamilya Jatulan. Kaya sa isang iglap lang ay nakasakay na agad sila sa Pajero ng mga ito papuntang bahay ng kanilang ama.
Hindi naman ni Telly maiwasang kabahan. Hindi n'ya alam kung bakit nakaramdam siya na kinabahan s'ya ng mga sandaling iyon habang nagmamaneho ang driver ng kanilang ama pauwi sa bahay ng mga ito.
" Ate, ang gara ng sasakyan ni Papa Arman." Bulong pa ni Rina sa kanya.
" Ssshh." Mahinang saway ni Telly sa kanyang kapatid.
Mga Fourty five minutes lang din ang kanilang biyahe mula sa Ninoy Aquino International Airport papuntang Sta. Ana kung saan ang bahay ng kanilang ama. Pagdating nila doo
