"Kawawa ka naman. . ."
Hindi ko alam kung naaawa ba talaga sa akin si Leon o lihim na pinagtatawanan ang itsura ko ngayon. Sabagay, kung ako ang nasa kalagayan niya, baka matawa rin ako. Isang bundok ng activities ang nakatambak sa harapan ko rito sa library. Ang malala pa, karamihan sa mga ito ay pinapagawa ng professor naming ex niya. Pakiramdam ko tuloy sinadya no'ng lalaking iyon eh.
Tatlong araw akong hindi nakapasok dahil sa pesteng lagnat na ’yon. At sa loob ng tatlong araw na ’yon, ang tanging mukha lang ni Red ang nakikita ko. ’Yong mukha niyang laging nakasimangot, ’yong boses niyang laging nananakot, at ’yong presensya niyang nakakasakal pero. . . nakasanayan ko na rin.
"Shut up, Leon," umirap ako at nagpatuloy sa pagsasagot.
Masakit pa nang bahagya ang likod ko sa katatam
