Naramdaman ko ang unt-unting pagpasok ng liwanag sa loob ng tent, kasabay ng mahina pero medyo malamig na hangin na pilit sumusuot sa mga siwang ng zipper. Umaga na. It’s officially the third and last day of the campsite event. Pero bago ko pa man tuluyang maidilat ang mga mata ko, nakaramdam ako ng isang mabigat at napakainit na bagay na nakapulupot sa mismong baywang ko.
Lihim akong napairap nang mapagtanto kung o kung sino iyon.
Nakahiga pa rin sa tabi ko si Kuya Red. At hindi lang basta nakahiga, ang ga-go ay mahigpit na nakayakap sa akin mula sa likod, isiniksik nang husto ang kaniyang mukha sa may batok ko habang ang kaniyang malalaking braso ay parang kadenang nakapulupot sa katawan ko.
Ramdam na ramdam ko ang banayad at malalalim niyang paghinga na dumadampi sa balat ko, kasaba
