CHAPTER 39
SEBASTIAN POV
Pagdating ko sa airport, hindi ko maiwasang makaramdam ng kaba. Ilang taon na rin ang lumipas mula nang huli kaming magkita ni Silvia Inggano, ang ex-girlfriend ko. Nang tumawag siya kahapon at humingi ng pabor na sunduin ko siya, agad akong pumayag. Sabik na rin akong makita siya, kahit pa may halong pag-aalinlangan dahil hindi alam ni Chaira De Luca, ang kasalukuyan kong kasintahan, ang tungkol sa pagsundo ko kay Silvia.
Habang naglalakad ako sa arrival area, hinahanap ko siya sa gitna ng dagsang tao. Maya-maya pa'y nakita ko na siya. Parang hindi nagbago ang kanyang anyo—ang kanyang mahaba at kulot na buhok, at ang kanyang ngiti na minsang nagbigay liwanag sa aking mga araw. Nang magtama ang aming mga mata, mabilis siyang lumapit at niyakap ako ng mahigpit.
