“Baliw ka, bakit hindi ka umuuwi? So tama ba kami na bumigay ka na sa boss natin?” bungad ni Ivy kay Bea nang tumawag ito.
“Hey, hindi a. At isa pa ayaw ko lang magbiyahe ng malayo. Bumigay ka riyan. OA mo ha.” umikot pa ang itim ng mga mata nito sa bungad Ivy sa kaniya.
“Hindi talaga? E bakit sabi ni Laurice e lagi ka raw kausap ng boss natin?” intriga ni Ivy sa kaniya. Napakunot ang noo niya sa sinabi nito.
“Sinong Laurice?” feeling niya ay narinig na niya ang pangalan nito ngunit hindi niya maalala kung saan.
“Naku, teh. Hindi ko kilala ang secretary ng boss mo?” umiling naman si Bea.
“A, siya pala. Ang daldal naman niya. Marites ang bagay na pangalan niya. Kalahating totoo at kalahating hindi.
“So alin ang totoo? Lagi kang kausap o bumigay ka na?” lalong lumaki ang butas ng ilong
