Kinabukasan ay maagang pumasok muli si Bea. Naalala niya ang sinabi ni Mr. Belmonte sa kaniya noon sa warehouse na siya ang makakasama nito sa pag-audit sa ibang branch. Binaba siya ng secretary nito na si Laurice kahapon at pinaalalahanan siya ukol doon.
“Ms. Almanza, you’ll need to report to Mr. Belmonte first thing in the morning.” naalala pa niyang bilin nito kaya naman dumiretso siya sa elevator B kung saan access ito sa opisina ng mga boss. Sa elevator A kasi ang way naman papunta sa opisina niya.
Pagbukas ng elevator ay agad siyang pumasok doon. Eksaktong walang tao roon kaya naman may pagkakataon siyang sipatin ang suot niyang floral pencil cut dress na above the knee. “Perfect!”
Bahagyang pinagpag pa niya ang laylayan nito nang mapansin niyang nakaangat ito nang kaunti habang p
