“YAGO, saan tayo pupunta?”
Napatingin ako kay Aiselle nang itanong niya iyon sa akin. Kakasakay lang namin sa kotse dahil hinatid namin si Kairos sa bahay nina Dad. Tuwang-tuwa ang aking mga magulang dahil sa wakas ay ipinakita na namin ang anak namin sa kanila.
“We’re going to meet my cousins and my brother tonight.”
Nakita ko ang pamimilog ng labi ni Aiselle. Alam ko na nagulat ito. Hindi niya pa ulit nakikita ang ibang pinsan ko lalo na sina Gareth at Luciel kahit noong matapos ang problema niya. Abala rin kasi sa buhay nila ang dalawang iyon, maging si Zeke man at si Azriel. Mas abala lang ang mga unang nabanggit dahil may mga anak na ito.
Hindi naman ako nagkulang sa pagsasabi kay Aiselle. Kapag nanghihingi siya ng balita sa mga nangyayari sa buhay ng iba, as long that I have an
