NAGPAPLANO na si Tita Neveah kung kailan siya makakadalaw dahil sa biglaang pagkamatay ni Tita Piper. Ang sabi nila sa akin, pinatay raw si Tita at ang suspect ay ang girlfriend ni Luciel.
Hindi pa rin ako makapaniwala. Sa sobra kong pagkabigla ay natulala ako sa nabalitaan. Kalmado na rin si Tita matapos niyang umiyak sa akin kanina. Mabigat ang loob ko pero hindi bumagsak ang mga luha.
“Nico, huwag ka nang sumama. Ako na lang ang aalis para kayo ni Elliot ang maiiwan dito kay Aiselle. Sasaglit lang siguro ako roon. Kailangan ako ni Avion panigurado at nina Luciel.” Huminga si Tita at lumapit sa akin. “Aiselle, magpahinga ka na. Hindi makakabuti sa ‘yo ang pag-iisip sa lahat ng ito.”
Alam ko na kinausap niya ako pero hindi ko maintindihan ang sinabi niya. Masyadong maraming bumabagabag
