ITO RIN ANG unang pagkakataong makakapunta ang maganak niya rito, tamang-tama dahil taga rito naman na din ang pamilya din ni Silver na tanggap naman na sila lalo na ang ina-inahan ni Silver.
Nasa business trip pa si Silver sa Saudi, naroon pa kasi ang naging kaibigang si Khalil. Hindi ito nakadalo ng kasal nila noon ngunit nagpaabot ng pagbati at regalo.
Bukas ang kaarawan na naman ni Silver kaya nagpapatulong si Evie sa kapatid niyang si Evette at sa kapatid ni Silver na si Vivian upang paghandaan ito ng munting surpresa. Nagpresinta naman na ang ina ni Evie na siya na lamang ang magluluto ng mga putaheng ibinigay naman sa kanila ng ina-inahan ni Silver.
"Ang tagal niyo ng kasal ah? Kailan niyo ba balak pa maganak? Baka palagi kayong busy ni Silver kaya hindi kayo makabuo?" pagsita pa
