Dahan-dahan lang ang aking mga hakbang papasok ng bahay baka kasi magising si Tiyang. Mahaba ang gabi, at lalo pang humaba dahil sa kaba na baka mahuli ako.
Ang alam lang kasi niya, nagtatrabaho ako sa carinderia ni Aling Soling yun ang paalam ko. Alam kong kapag nalaman niyang sa bar ang punta ko tiyak hindi niya ako papayagan.
Sobrang higpit pa naman niya,pwera lang kapag nagsa sideline ako makitaan mo ang lawak ng kanyang ngisi lalo na't inabutan ko ito ng pera pandagdag pagkain namin.
Habang tinatahak ko ang maliit na sala ng bahay, ramdam ko pa rin ang bigat ng ulo ko. Medyo nahihilo pa rin ako, dala ng alak na hindi ko naman inaakalang lalampas ako sa isa o dalawang baso. Pero ang sarap kasi ng wine sa bar ni Angkol, kaya’t hindi ko namalayan na naparami na pala kami ng mga kaklas
