Nanlaki ang mata ko sa sinabi ni Angkol na isasama niya ako sa tatlong araw na bakasyon sa Siargao. Noon ko pa pangarap makapunta roon,sabi kasi ni Mila, puro raw afam ang naglalakad sa tabing-dagat. Pero ngayon, parang bigla akong nawalan ng gana. Hindi ko alam kung matutuwa ba ako o maiilang, lalo na’t si Angkol at ang kababata niya lang ang makakasama ko.Halata pang may gusto sa kanya.
“Angkol, kayo na lang po,” mahina kong wika habang iniiwas ang tingin.
“Ayoko rin kasing maiwan si Kokoy dito, lalo na pag nakuha ko na siya kina Tiyang.” ani ko.
“Hindi pwede, kailangan mong sumama. Pinaalam na kita kay Ate,” mariin niyang sagot sabay abot ng malamig na tubig sa akin.
Bago pa ako makatanggi, narinig ko si Mama mula sa kusina.
“Alivia, nak sige na, sumama ka na sa Uncle mo. Para nama
