احبنى شيطان

البارت الاول

مقدمة:

من بين كل النساء اخترتك لتكونى رفيقتى بالجحيم..!!

((البارت الاول))

اتخانقت مع حبيبى..زعل منى..كل دة علشان خدشت طلاء عربيتة من غير قصدى..اوف..العربية طبعا اهم منى

ركبت الميكروباص بعد ما رفض انه يوصلنى..اوف..رجعنا للحشرة تانى و زنقة المواصلات..

انا مروة شعبان

عندى 19 سنة

خلصت الدبلوم من سنة..و حاليا بحاول اكون يتويوبرز مشهورة..

يتيوبرز// يعنى اكون صاحبة قناة على اليوتيوب و اعمل من وراها فلوس كتير و ابقى غنية و اشتهر

و قابلت حبيبى بسبب القناة دى..كنت فى يوم بصور فى حديقة الازهر لما شافنى مركزة اوى فى تصوير الورد و الزهور

وقتها ضحك عليه و سخر منى

و اتعرفنا

و حبينا بعض

و بقى بيساعدنى فى افلامى القصيرة و نختار الاغانى سوى

لغاية النهاردة اهو زعل منى علشان خدش صغير

اوف

بايخ اوى

و بعدين بقى

الست التخينى دى اللى زنقانى فى الشباك

كدة يا حمادة اخص عليك تهون عليك مرمر

************

بعد مشوار طويل وصلت البيت كنت ساكنه فى منطقة شعبية بس لذيذة الناس اللى هنا هم اللى هيكونوا سبب شهرتى فى يوم من الايام..

قربت اعدى من قصاد ورشة الميكانيكى

يووووة

محمود واقف برة بيحاسب زبون يارب ما ياخد بالة منى

-مروة..؟؟

" اوف. شافنى "

وقفت على جنب لغاية الزبون ما مشى

-انا قلت اية؟

-اية يا حودة؟

-هنستعبط..البنطلون ابو ركبه مقطوعه دة مش قلت مايتلبسش

-ايوة قلت

رفع المفتاح القذر اللى كلة شحم ف وشى

-تحبى اد*كى بيه ف نافوخك..

-الله يرحمك يا بابا

و مثلت البكاء

-لا يابت خشى عليا بالشويتين دول..اجرى اطلعى ساعدى امك

طيرت من قدامة على البيت

هو اخويا الكبير و اللى واقف فى الورشة بعد وفاة ابويا الله يرحمة

و راجل البيت

و حامى الحمى

امتى بقى اقب على وش الدنيا

***********

بعد ما اخدت الدش التمام و لميت شعرى ..ثوانى انتم ماتعرفوش شكلى..اقف قصاد المرايا

عودى ملفوف قمحاوية بس غزال شارد ههههههههه

شعرى اسود طويل تقيل زى الهنود كدة

وشى بقى

قمررررررر

هو حمادة وقع فيا من شوية

عيونى واسعه تشبهه القطط و وشى شبهه دوران وش هيفاء وهبى و لا شفيفى ......!!!!!!!

اخيرا عرفت اهرب من ماما

هو انا بردوا بتاعة تقطيف ملوخية و الكلام الفارغ دة

هربت على اوضتى

و مسكت الموبايل

لعبت بابجى شوية بتاع ساعتين تلاتة مش فاكرة

و بعت رسالة ل حمادة استسمحة

بس مردش عليا

قعدت على اللاب و فتحت تويتر

و الانستا شويتين

و رجعت تانى ل الفيس بوك

قلبت شوية

" بلوب " صوت رسالة ف الشات

واحد معرفوش كاتب اسمه " الشيطان "

فتحت الرسالة

(( ازيك ممكن نتعرف ))

و مين عم الظريف دة كمان

ممكن يكون حمادة....... و عامل حساب تانى و بيعا**نى منه

رديت:

-مين معايا؟؟؟

-انا اللى دايب ف هواكى دوب

ايه الظرف دة

شكلة حد من معارفنا و بيستظرف

-انت مين؟؟؟؟؟؟؟؟؟؟

-انا اللى سهرت الليل براقبك

-اية يا ظريف انت بتعا**؟ انت تعرفنى

عاوز ابقى صديقك

و كنت لسة ح اقفل الشات

اصبرى يا مرمر

انت تعرف اسمى؟

طبعا

ازاى حسابى باسم مستعار انت تعرفنى منين؟؟؟

كان لينا ايام جميلة سوى

انت مجنون يا ا خ انت ايام جميلة اية....هو انت حمادة

انت بتعمل فيا مقلب من مقالبك

اوعى تقارنينى بحشرة زى حمادة..معرفش ازاى يخليكى تبقى سعيدة انا غيرة

انت كدة عصبتنى انت مين يا جدع انت

انا الشيطان

قلت لنفسى و انا اعصب نفسى لية مع ابن الظريفة دة..عملت له بلوك محترم. اتن*دت و رجعت اتصفح الصفحة الرئيسية..شوية و لقيت رسايل جديدة فى صندوق الدردشة

من شخص اسمة ( ملاك الظلام )

و كان كاتب

انتى ازاى تتجرئى على حظرى

انا عاوز اقضى وقت ظريف معاكى

عاوز ابقى صديقك

مروة اوعى تتجاهلينى

عصبنى و غضبت جدا..

كتبت بنرفزة

-اى وقت لطيف و اى شيطان بتتكلم عنه انت فاكر نفسك كدة فرود..غوور من وشى

مروة انتى ل**نك سافل

بحب ل**نك

كم اتمنى قطعه

تن*دت..اوف..و تحركت للصفحة بتاعته علشان احظرة و كل ما اضغط بالسهم على علامة الحظر الفيس لا يستجيب

و فجأة.. شهقت

حصل حاجة غريبة

سهم الفارة اتحرك على الشاشة و فتح الشات من جديد

لقيتة كاتب

بينجو..!!! كنتى عوزة تحظرينى

يمكن لازم اثبت ليكى انى الشيطان فعلا

انتى هربتى من امك علشان ماتقطفيش الملوخية كالعاده

فاكر نفسة ازكى اخواتة كل معارفى عرفنى كويس و اكيد هو واحد منهم

طيب ممكن تروحى لحوض الحمام

اوف تن*دت و قمت روحت الحمام ووقفت قصاد الحوض

و....

حنفية المياة اتفتحت لوحدها و نزلت منها مياة كتير اوى ملت الحوض

يا نهار اسود..!!!!!