الجزء الثاني (الحلقة السادسة)

1944 Words

روايه حكايتى مع زوج معاق ٠ الجزء الثاني( الحلقة السادسة)٠ بقلم (منال إبراهيم) ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ فى ڤيلا محمد و ساره و قام بسرعة و انفعال من من مكانه و خرج من الاوضة و قفل الباب وراه بكل قوة ٠ و هو بيقول لنفسه ما تزعليش منى بقى يا ساره بس انتى اللى اضطرتينى لكده !!!! خرج من الاوضه واحساس الغليان بيزيد جواه لاول مره تكون ساره عنيده كده معه لاول مره ما تهتمش بمشاعره الم**وره تجاه الموضوع ده و مش واخذه بالها انه في صراع زيها و يمكن يكون صراعه أشد و أصعب بكتير صراع بين احساس الأبوة اللي بيألمه ا بقسوه فكره اجهاض ابنه و لكن من شده حبه ليه مش عايزه يشوف العذاب اللي اتعذبه و اتوجع بسببه كتير و يمكن هو كمان ما كانش حاسس بمشاعر ساره و اللى بيدور جواها!!٠ للاسف كل واحد فيهم كان شايف الموضوع من زاويته هو بس و رافض يغير وجهه نظره و مصر و م**م عليها مهما كان التمن ٠ قال محمد في نفسه بحز ز ن: اتمنى تسامحيني يا ساره على اللي هاعمله ده بس صدقيني هو ده الحل الوحيد انا عارف انك هتتوجعى فتره و أنا كمان لكن صدقينى بعد كده كلنا هنرتاح محمد كان اخذ القرار خلاص انه هيعمل لساره عملية الإجهاض من غير ما تعرف و قرر انه يتواصل مع الدكتور و يتفق معاه على الموعد و التفاصيل علشان تتم العمليه في أقرب فرصه ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ فى غرفة سارة ٠ كانت ساره قاعده على سريرها بتعيط بحز ز ز ن شديد اتفاجئت بمحمد داخل عليها من الأوضه مره تانيه استغربت أكتر لما لقيته جاي ناحيه السرير و قرب منها و قعد جنبها و هو بيبص لها نظره م**وره و بيضمها ليه بقو و و و ه و اخدها في حضنه بحنان بدأ صوت عيطها يزيد و هو بيطبطب عليها و بيقول لها برر ر جاء : عشان خاطري كفايه ساره ارجوك ما تزعليش مني و تسامحيني ٠ ٠ ٠ فضلت رامية نفسها على ص*ره لحد ما بدات تهدى شويه ب شويه و هو بيمسح على شعرها و ظهرها بحنان كعادته و بعد ما اطمئن انها بقت احسن اخذها في حضنه و ناموا و كل واحد فيهم بيفكر في حاجه مختلفه ٠ ساره بدات تحس براحه ان محمد شكله ندم على كلامه و قرر أخير انه يتقبل فكره اكتمال الحمل ٠ ٠ و هو في الحقيقة ما فيش حاجه شغلاه غير انه يتخلص منه !!٠ فجاه لقاها مسكت يده و شدتها ناحيه بطنها و هي بتبتسم له ابتسامة م**ورة ٠ ٠ مجرد ما احس بحركه البيبي الضعيفه تحت ايده حس كان كهربا مسكته سحب يده بسرعه و جسمه كله اتنفض ٠ ٠ حس وقتها كأن ابنه بيوجه له رساله عتاب ٠ ٠ سارة فى اللحظة دى ما زعلتش منه وقتها و قررت انها تكمل طريقها في اقناع محمد في تقبل الوضع اللي ممكن يكون هو الخير اللي ما حدش يعرفه غير ربنا ٠ صحى الصبح ما لقاش سارة جنبه إتوضى وصلي وبعدين نزل لقاها هي وساره الصغيره قاعدين في انتظاره كانت ملامحها باين احسن كثير عن امبارح ابتسمت وقالت له جمعه مباركه يا حبيبي نمت كويس؟! رد عليها وقال : انا اتقتلت نوم بقالي يومين ما نمتش كويس وعوضتها النهارده. سارة : نوم العافيه يا حبيبي ساره الصغيره بحماس : الحمد لله النهارده الجمعه اجازه يلا يا ماما علشان بعد الفطار عايزين نلعب سوا ردت عليها مامتها وهى مبتسمة : هنلعب ايه بقى يا انسه ساره ؟! انا اليومين دول أخرى ألعب في صوابعي صحتي ما تجيبش اكثر من كده سارة الصغيرة: انا عايزاكي تعلميني ألعب باسكت صحابي كلهم بيلعبوها كويس وأنا لا و الكوتش قال لنا اتدربوا عليها مع بابا يوم الجمعه وبابا مش هيعرف يدربني و هو بيد واحده مش زينا يبقى انتى اللي تلعبى معايا وتعلمينى بليز ردت عليها ساره عصبيه و قالت: عيب كده يا حبيبتي بابا هيعرف يدربك أحسن مني لاني حامل و مش هاقدر أجرى التفتت ناحيه محمد اللى بان على ملامح الضيق وقالت له ماتاخدش على كلامها دي عيلة صغيرة كملت بنتهم كلامها ببراءة وقالت: ماما انا مش قصدي ..انا باقول ان بابا مش هيعرف يدربني أنا ماقولتش حاجة غلط بصت ناحيه باباها وسألته : بابا هو ينفع تروح للدكتور يعمل لك إيد حلوة بتتحرك زينا علشان نتدرب سوا و ابقى اشطر واحده في اللعب وكمان تشيلني وتلف بيا زي بابا ريماس صاحبتي ؟!! صرخت فيها والدتها بعصبيه وقالت : وبعدين يا ساره مش قلنا ألف مره بلاش كلام في الموضوع ده ما تضايقيش بابا الغريبه ان محمد ما اتعصبش ورد بهدوء : لا يا حبيبتي ما ينفعش ،، اكيد لو ينفع كنت عملت كده من زمان، ربنا خلقني بالشكل ده والحمد لله بس على فكره انا اقدر ادربك على الباسكت انا كنت بعرف العبها شوية وانا صغير وكرة القدم كمان لو تحبي يلا خلصي فطارك وانا هالعب معاكى لحد ميعاد صلاه الجمعه تمام؟! ردت عليه بسعاده وقالت تمام يا بابا سارة بحماس: وانا هقعد بعيدهد اتف*ج عليكم واشجعكم كمان انا والبيبي. سارة الصغيرة: يا ماما انا نفسي البيبي يجي بسرعه قوي و يكبر بسرعه قوي قوي عشان يلعب معايا كل الحاجات اللي بحبها ابتسم ليها والدها و والدتها وما فيهم حدش يقدر يرد ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ فى بيت طلعت ٠ كان صباحه النهارده مختلف تماما صحي على صوت دوشه وأصوات عالية في الشارع استغرب وطلع من اوضته لقى عمه بيصلي استنى لما اخلص صلاه و سأله : عمي هو في خناق في الشارع ولا إيه ؟! ابتسم عمه وقال له : صباح الخير يا أسعد يا ابني ،ما تقلقش ما فيش خناق و لا حاجه.. ده العادي بتاع الشارع معلش حبه كده و هتتعود رد عليه اسعد و قال و هو مبتسم : تمام ان شاء الله نتعود ٠ صباح الخير يا عمي رد على طلعت وقال له: _يسعد صباحك يا ابني يلا روح توضا وصلي الصبح وتعالي ننزل سوا نجيب الفطار من عربية عمك حمدي فاكره ؟!! ابتسم و قال له باستغراب : ياه لسه عايش الراجل ده ؟! طلعت : عايش ربنا يديها الصحه دخل أسعد اتوضى و صلي ولبس هدومه و خرج أول ما عمه شافه قال له باستغراب : إنت لبست مخصوص عشان ننزل نشترى الفطار من تحت البيت؟!! أسعد باستغراب : أمال أنزل بلبس النوم ؟! ضحك عمه وقال : في دي معاك حق احنا اللي مش عاملين فرق كبير ٠ ٠ يلا بينا نزل أسعد مع عمه و بدأ يتابع بفرحة كل التفاصيل قدامه في الشارع اللي اتغير كتير عن آخر مره شاف فيها تفاصيل الشوارع في حي شعبي في مصر قامت مها من نومها لبست طرحتها و خرجت ما لقتش حد في البيت همست بارتياح : كويس اخذ راحتي شويه بقى عما يطلعوا يا دوب غسلت وشها و توضت سمعت صوت أسعد رجع هو و باباها بره فقالت بصوت واطي : يوووه ما لحقتش ارتاح خرجت من الحمام ابتسم لها أبوها و قال لها : صباح الخير يا مها ردت عليه امها وقالت له : _صباح الخير يا بابا و تجاهلت أسعد ودخلت على اوضتها على طول طلعت : يلا يا حبيبتي صلي و متتاخريش علينا دخلت و هي بتبرطم بالكلام : طبعا مش عايزني أتأخر عشان أحضر الفطار للبيه انا كنت ناقصه ده كمان؟٠ خلصت الصلاه ببطء و خرجت من أوضتها ناحية المطبخ و تفاجئت إن اسعد مع والدها جوه في المطبخ و صوتهم عالى عمالين يتكلموا و يهزروا سوا عمه طلعت كان بيتابعه بإعجاب و هو بيحضر الفطار و قال له : شكلك شاطر في المطبخ يا أسعد ٠ رد عليه أسعد و قال له : حد يعيش في إيطاليا ٦ ٢ سنه و ما يبقاش شاطر في الطبخ ؟٠ انا كنت ديما في الأجازات اشتغل في مطعم جنب بيتنا هناك كانت هواية عندي من زمان ٠ رد عليه طلعت و قال له : صحيح أنا كنت فاكر إنك مهندس ميكانيكي مش كده ؟! رد عليه أسعد و قال له : آه ٠ كنت شغال فترة في مصنع هناك بس حصلت مشاكل كثير معايا و سبت الشغل و في آخر سنتين كانت صحة بابا اتدهورت قوي بعد وفاة ماما الله يرحمها و كنت غالب الوقت قاعد معاه و مش منتظم في الشغل فكان ديما أصحاب المصانع بيفصلوني بسبب الغياب الكتير حتى مراتي ما استحملتش الوضع و بعد كام شهر من الجواز طلبت الطلاق رد عليه طلعت بتأثر و قال له: معلش يا ابني ربنا يعوضك إنت عملت الصح و ربنا يكرمك علي وقفتك جنب أبوك في وقت مرضه و هي الدنيا كده يا ابني يوم حلو و يوم مر إن شاء الله أموره بتتحل و تبدأ حياتك هنا من جديد ٠ ضحك اسعد و قال بعدم تصديق : هنا ؟! مش باين يا عمي أهو حضرتك شفت في كام يوم الدنيا متلخبطة معايا إزاى؟٠ طلعت : ربك ما بينساش حد ٠ بالمناسبة أنا سألت لك واحد صاحبي على محامي كويس و اتعابه كمان معقولة بكره بإذن الله نروحله سوا و نشوف حل في موضوع حقك في الأرض بتاع العمارة فى اللحظة دي دخلت مها و قالت ببرود : عايزين مساعدة يا جماعة ٠ رد طلعت و قال لها : الفطار النهارده من تجهيز أسعد ابن عمك خذي بقى الأطباق دى و احنا جايين وراكى أخدت الأطباق و خرجت التفت أسعد لعمه و سأله بصوت هادئ : هي مها متضايقه من وجودي هنا؟! رد عليه و قال له : لا طبعا إزاي تقول كده دي مبسوطه قوي و بعدين هو أنت هنا ضيف يا ابني انت قاعد في ملكك يلا بقى نفطر و ما تشغلش بالك بالحاجات دي هي طبعها كده قليله الكلام و مش اجتماعيه إنما هي طيبة و قلبها أبيض ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ بعد الفطار خرج محمد مع ساره بنته للجنينه و بدأوا يلعبوا سوا و كان مبسوط بفرحة بنته باللعب معاه و ساره بتابعهم و هي فرحانه إنه بدأ مزاجه يتحسن ويضحك وكمان كانت مستغربه إنه بيقدر يلعب و يمسك الكره بيد واحده همست ساره و هي بتلمس بطنها كأنها بتكلم البيبي و سامعها : عايزاك تبقى شاطر كده زي بابا في كل حاجة و عايزاك تكون شبهه إلا في حاجه واحده . إنك تعيش متعقد لازم تعرف يا حبيبي ان ربنا لما بياخد منك حاجه هيعوضك باحسن منها اتفقنا ؟٠ بعد مده بسيطه لقت محمد جاي ناحيتها و بيسألها باستغراب : إنتى كنتى قاعده بتكلمي مين ؟! ردت عليه و قالت : بكلم ابني كنت بتفق معاه على شويه حاجات كده !٠ بص لها باستغراب و قال طيب. هاروح أنا بقى آخذ شاور عشان أجهز نفسي لصلاة الجمعة ردت عليه و قالت : استني خدني معاك أحضر لك الحمام و الهدوم بتاعتك و لا خلاص استغنيت عني رد عليها بحب و قال لها : عمري ما أقدر استغنى عنك لكن انتى تقدري !٠ ردت وقالت باستنكار : مين قال كده ؟! أنا عمري ما اقدر محمد : انتى اللي قولتى كده امبارح انت نسيتى ؟! ردت ساره و قالت له برجاء : عشان خاطري يا محمد انسى الكلام بتاع امبارح أنا كنت متعصبه ومشدوده وانت عارف كده كويس سألها بخبث : انسي كله يعني نبدأ من أول وجديد يمكن نوصل لحل ولا ردت عليه باصرار : لا طبعا مش كله وأرجوك ما تحطش حياتنا على المحك ده ابدا لو انا فعلا غاليه عليك زي ما دائما بتقولى حرك راسه بتفهم و قال تمام : أنا فعلا قررت مش هتكلم في الموضوع ده خلاص ربنا يقدر لنا الخير خلص الصلاة و استغل فرصة وجوده بره البيت و اتصل بالدكتور و اتفق معاه على تفاصيل العملية اللى هيعملها لسارة من غير ما تعرف عشان يحطها قدام الأمر الواقع ٠ ٠ ٠ يتبع ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ روايه حكايتى مع زوج معاق بقلم (منال إبراهيم) سبحانك اللهم وبحمدك أشهد أن لا إله إلا أنت أستغفرك و أتوب إليك ❤️❤️ فى انتظار تعليقاتكم و تفاعلكم مع الحلقه تفاعلكم يعنى لى الكثير ٠ ٠ ٠ ٠

Free reading for new users

Scan code to download app

App Store Google Play

Facebookexpand_more