TOM
"Bilib na bilib talaga ako sa iyo bro! Kuhang-kuha mo talaga ang style ni Kuya Diego. Akalain mo may out of town meeting daw. Pero ang totoo pupuntahan lang pala ang mga pamilya ni Enna para sa kanyang birthday celebration. Totoohanin na ba talaga bro? Ayaw mo na ba talaga sa akin. Iwanan mo na talaga ako?" Natatawang sabi ni Mat. Sinamaan ko lang siya ng tingin pero nakangiti naman ako dahil sa mga sinasabi niya. Nandito na kami ngayon sa waiting area para sa boarding ng eroplano papunta sa probinsya ni Enna. Alam ko'ng napapansin niya na parang may tinatago ako sa kanya lalo na sa laptop at cellphone ko. Gusto ko lang kasi maging maayos ang surprised ko sa kanya. Gagawin ko siyang Reyna ng Buhay ko. Kaya plano ko na maging maayos ang kanyang birthday at ang surprised ko sa kanya.
