رواية عنيدة ولكن الفصل الأول ة بعصبيه " طلقني يا حجبصلها بطرف عينه و قال بعجز _ عارفه يا هَنا لو عملتي ايه مش هعمل العمليهقربت
4120 Words
- معروفة أن ابن الجيران هو الكراش
"اكراش علي مين يابني؟ احمد متربط، وخالد متجوز، وإبراهيم رد سجون، عمرو بتاع نسوان والباقي اندر ايدج "
-, وانا ؟
" عارف ياعزيز لو سألوني مين اكتر حد بكرهه ، بالتأكيد هيكون انت"
- عشان أنا احسن منك
بصتله بق*ف وشتمته في سري ، دا بقي اكتر انسان بارد ، رخم ،مستفز ،وحيوان وعايز يتقتل، اكبر مني ب٥ سنين ودايما بيغلس عليا ويضايقني وعشان كده بتجنبه بس الواد مفكر دمه شربات عشان كده بيغلس عليا دايما بس انا مش بسكت وبرد عليه، الممل في الموضوع ان عيد ميلادنا في يوم واحد ، متخليين واحدة قمرة زيي مولودة في نفس اليوم مع انسان لزج زيه
- ايه الق*ف اللي في ايدك دا ؟
"سؤال بس وانت مالك ؟"
- مالي في جيبي
"خفة يالا "
-يابت هض*بك
"لو راجل اعملها "
-قولتي ايه ؟
"قصدي لو جدع اعملها "
-مش بمد ايدي علي واحدة نسوان
"اللهم طولك ياروح "
- ابقي شيلي الق*ف من ايدك دا
"دا مانيكير "
- برضوا شيليه
" عزيز طنط بتنادي عليك روحلها يلا "
بيحشر نفسه في حياتي بشكل غ*ي ، كل تفاصيلي لازم يتدخل فيها ، ولازم يأمر وينصح ويتبارد كالعادة ، وبعدين هو فاكر نفسه مين دا بس جاري البارد ، يارب يعزل بقي ويبعد عننا
- يافاشلة بتعملي ايه؟
" أستغفر الله العظيم ، قاعدة بذاكر عندي كويز بكرة "
- انتي هتعملي مجتهدة وانك دحيحة وكده وكده
"هو انا ساقطة زيك يافاشل"
-مين دا اللي فاشل ،دا انا محاسب قد الدنيا
"طيب ياعم المحاسب سيبني عشان دي مادة معفنة وأقسم بالله قربت اعيط"
-اشرحلك وتعزميني
"مادي حقير ...اتفقنا "
بيقولوا الراجل لو معاه واحدة مش بيخليها تدفع بس عند عزيز القانون دا مش موجود ، قاعدة رقم ٤، اللي عايز خدمة بيعزم التاني قصادها ، وطبعا دايما انا اللي بطلب وعشان كده انا اللي بعزم وهو بارد بيطلب طبق ب٢٥ جنيه وعصير مانجا وبعديها ايس كريم ...بااااارد
- يالا هنتظرك تحت عند عمي ونروح كالعادة عند كانتين عمي صبحي
" والله ياعزيز لو طلبت باكتر من ٥٠ جنيه لافضحك في الشارع "
-بخيلة
"وانت بارد "
-قاعدة رقم ٧
اتن*دت'اننا منشتمش بعض في الأماكن العامة "
رغم أننا بنكره بعض جدا جدا بس بينا قواعد لازم نلتزم بيها ومنها اننا ممنوع نغلط في بعض في أي مكان فيه ناس أو في الشارع... والغريب أنه ملتزم بالقواعد دي اكتر مني
"يع ، بتاكله ازاي"
رفع حاجبه'بااشوكة '
" سمج ، انا معدتي وجعتني ومش عايزة اقعد هنا"
- انتي مش هتاكلي طبقك ليه ؟ اوعي تكوني زي البنات وهتعملي دايت وانتي شبه الفيل كده
" مين قال اني شبهك"
-بقينا شاطرين وبنرد اهو
" عزيز اسكت وبطل بقي ، كل المكرونة بالصوص الابيض "
-دي عشقي
"انسان غريب "
عزيز بيحب اكتر الحاجات اللي بكرها، انا مش بحب اي حاجة بيضا ولا لبن ولا حتي جبنة أو صوص ابيض او الزمالك ، وطبعا عزيز بيعشق الابيض ، حياتي مع عزيز كلها جدال وخناق بس علاقة مريحة ، اقدر فيها أقول ايه اللي تعباني ومزعلني رغم أنه بيتنمر عليا البارد دا بس هو الوحيد اللي بثق فيه ، عارفه أنه مستحيل هيكشف ضعفي أو حتي سري ... هيكون موجود دايما عشان يحميني أو يشلني المهم أنه دايما موجود
"جرب فانيليا بالفروالة "
-مش بحب غير اللي بالمانجا
" براحتك ، المهم هتغور في أي داهية امتي؟"
-بعدك ياروحي
" انت الأكبر برضوا"
-انتي الست برضوا
"ست؟بيئة .... هو عز مش ظاهر ليه ؟"
- مشغول في كليته ، مالك؟
"مالي ماانا كويسة"
- ماسكة أكمام اللبس ليه طيب ، ومناخيرك حمرت وعنيكي واضح انك تايهة
" عزيز "
- سمعاك ، اقعدي
"علي الرصيف"
-مااحنا طول عمرنا مكانا الرصيف والأرض ...يلا اقعدي...أرغي بقي
"انا فاشلة"
-مين قال كده ؟
" دي الحقيقة ياعزيزة ، ... "
-لا مش الحقيقة ، انتي في كلية تجارة ودي كلية ليها مستقبل كبير ،المهم تبعدي عن شغل البنوك وبس ...كمان انتي اديلك سنتين بتجببي تقدير عالي ، وبعدين انتي مش فاشلة انتي لسه معاد تحقيق أحلامك مجاش ...
عيطت" طيب ليه ماما مش راضية تفهم كده ياعزيز، ليه بتضايقني بكلامها وتقارني ببنات عايلتنا وكل شوية تقولي اتجوزي طول ماانتي فاشلة ، ، انا كرهت الجواز بسببها "
- بجد ؟ لا ياشيخة ، وبعد شوية هتقوليلي عايزة اتجوز ياعزيز
ضحكت" الله ماانا عايزة اتجوز والبس فستان واشتري ميكب كتير وجزم بكعب وأطبخ براحتي"
- تعالي هنا صحيح ، انا دافع ٥٠٠ جنيه في شوية كريمات ومفيش اي تغيير
" لا ياحبيبي انا بشرتي اتحسنت اهي ،وبعدين ماانا دفعت ٤٠٠جنيه في برفيوم وانت لسه معفن "
-طيب والله ماهسيبك
طلعت اجري في الطريق وهو يجري ورايا ، قاعدة رقم ٨ احترم صديقك واياكي تبخل بفلوسك ووقتك ومشاعرك معاه وطبعا دا واضح اننا مش بنخبل خالص ولا بنعاير بعض ، قاعدة رقم ٣ ، لو زعلان يبقي لازم تضحك لاني ببساطة انا هنا ، طبعا واضح مين اللي كتبها ،عزيز المغرور ، بس منكرش اني طول ماانا زعلانة مش بيبسيني الا وانا بضحك ، ... واهم قاعدة في صداقتنا ، احتفظ بسري .... عزيز الوحيد اللي عارف كل حاجة عن علاقتي السيئة بماما ، ... انا بسبب ماما بقيت حاسة بخوف دايم وعدم ثقة ، معرفش اللوم علي مين ولا مين الغلط ؟
- الساعة ١٢ يامحترمة ، يلا ارجعك البيت
"يابني مااحنا في نفس الشارع هو احنا بعدنا ولا حاجة...خلينا قاعدين "
-قوليلي بس هل انتي مربتيش ،قوليلي عشان اعرف اربيكي
" متخلنيش اغلط فيك طيب ، عارف ياعزيز لو في جهاز بيقيس ويحدد المشاعر الحقيقة هيعرفوا قد ايه انا مش بطيقك"
-ياسبحان الله نفس الشعور ياشيخة
معرفش ليه مع بعض رغم أننا مش بنطيق بعض ، بس انا معنديش اخوات وهو بمزاج يعني عنده عايلة بس مش بيتعامل غير معايا وبيضايقني دايما ، ماما بقي بتحبه اكتر مني وشايفاه الابن الصالح والبار واني انا هبوظ أخلاقه والله هو اللي بيبوظ أخلاقي ، بينا قواعد كتير وقوانين بنمشي عليها اديلها اكتر من ١٠ سنين ، معرفش احنا حطناها عشان نضايق بعض أو نقلل من المشاكل مش عشان احنا بنحب بعض وأصحاب وكده لا طبعا ، كنا ماشيين بنتخانق في الشارع كالعادة ولقينا راجل كبير وقع في الأرض وكان معاه غزل بنات ، عزيز قرب من الراجل وساعده ،وفي نفس الوقت استغربنا الراجل دا وشكله ووجوده هنا في الوقت دا تحديد
- هو في حاجة اصلي اول مرة اشوفك هنا ؟
الغريب :انا دخلت شارع بالغلط ....اتفضل انت والحلوة دي دول مني
"شكرا ياعم"
الراجل مشي وانا عزيز كل واحد معاه حلوي غزل بنات ، كانت طعمها غريب والأغرب شكل الراجل ونظراته وابتسامته اللي تخوف ، عزيز كل الحلوي
"عزيز "
حسيت نفسي دايخة جدا ، مسكت ايد عزيز ومعرفش ايه اللي حصل بعديها
---------
-هنا فوقي ، هنا ...يابنتي فوقي
" انت بتزعق ليه ؟"
-قومي نشوف المصيبة اللي احنا فيه
"هو في مصيبة هنا غيرك "
-هض*بك ، بصي حواليكي وهتعرفي
" اي دا ؟؟؟؟"
' ايه المكان الغريب دا ، وبعدين شكله مختلف والناس لبسها غريب عننا ، احنا فين ؟"
- معرفش بس دقيقة ... في كتابة غريبة مش عارفة اقراها
كنا واقفين وجت وقفت قدامنا واحدة جميلة جدا شعر اسود طويل جدا ، عيون زرقا وبشرا صافية ، طويلة وجسدها ممشوق تشبه العارضات عندنا وحلوة جدا بس دا طلع كل الستات هنا حلوين ....ايه البلد القمر دي
-انا ريفال
"ايه الاسم دا ؟ وايه المكان الغريب دا"
-معناه صاحبة الشعر الطويل ، انتم هنا في "مدينة براغما " ...انتم الزائرون الجدد
"نعم؟ براغما ؟ يابني هو احنا بنعمل ايه هنا وايه الاسم الغريب دا ؟"
-يابنتي اسكتي نفهم ألاول ، وبعدين احنا جاينا هنا ازاي ، اخر حاجة فاكراه الراجل بياع الغزل
ريفال: أنه رسولنا في أرضكم ، هو يبحث عن زوجين ويبعثهم هنا لاختبار مشاعرهم الحقيقة
- ليه برضوا؟
ريفال: لان كلا من الزوجين تمني ذلك ، أن يختبر ويعرف مشاعر شريكه ، فقط أمنية واحدة هي سبب وجودكم هنا ، وانتم هنا في مدينة براغما لتختبروا مشاعركم الحقيقة ....إذا صدقت مشاعركم ستخرجوا منها بأمن ، والا ....
- والا ايه ؟
ريفال: ستنالوا عقابا علي خداعكم لبعضكم البعض وتزوير مشاعركم ، هنا المشاعر لها قيمتها الكبيرة ، نحن هنا نري يمتلك حبا صادقا حقيقا هو الناجي
" ناجي؟ من ايه ؟"
- من الموت ، هنا نحن اهل براغما نقدس الحب الطاهر ... ونعاقب من يتظاهر به لأجل اهداف أخري غير جيدة ، مثل الحصول علي فلوس ، ثروة ،تفاخر ،علاقة ، نسب ،منصب ،هكذا
- طيب واحنا لو عايزين نطلع من البلد دي نعمل ايه ؟
ريفال: أن تتخطوا الاختبارات ....
"وايه هي بقي ؟"
ريفال: لا ادري فقط الملك من يحددها ...ثم إن الاختبارات ليس لها وقت معين فقط ستجد نفسك في مأزق ، تراهن بصدق مشاعرك كلها مقابل حياتك ، أما الفوز أو الموت
كنت واقفة بسمع وعزيز بيسالها وانا مش مستوعبة ، مدينة ايه ومشاعر ايه ؟ هو ازاي نراهن بعلاقة قصاد حياتنا ، طيب مااحنا اغلب الناس اللي نعرفهم منضمنش حبهم، حتي لو ضمنا كده ، معتقدش أنهم بيحبونا لدرجة أن مشاعرهم تكون صادقة كده
-كله بسببك
"نعم ياخويا ؟وانا مالي ؟"
-انتي اللي اتمنيتي
"انا كنت بهزر مكنتش اعرف ان الكلام هيكون بجد ، كمان ماانت اتمنيت زيي "
- عارفة عايزة اموتك وارتاح منك
"والله انا اللي هرتاح منك "
- اسكتي لحد مانشوف هنعمل ايه عشان نطلع من هنا
" ابقي فكرني اعرف ايه روتين الشعر بتاعهم أصله طويل جدا وبيلمع "
اتعصب' هنااااااا '
" بهزر الله ... انسان خنيق"
المدينة كبيرة بجد ، واسعة فيها دفء وحب غريب ، مفيش عماير ولا بنايات كتيرة بس في بيوت وكل بيت ت**يمه وتفاصيله مختلفة وفيها حب وجمال وعبقرية ، هنا كمان مفيش غير صوت الموسيقي و في ورود كتيرة في الطريق ، في ناس واقفة مع بعض والرجالة بيضحكوا ، والستات بيشتروا مجوهرات ، هنا اكتر شي جذبني ملامحهم ، الرجالة طوال وفعلا بنية جسمهم قوية جدا ، عراض واكتافهم عريضة ، بشرتهم مش غامقة بس برونزية وملامحهم حادة جدا ، ودا سبب جمالهم ، عيونهم أغلبهم ملونة والشعر طويل حتي الرجالة بس هنا ببقصوه أو يربطوه بس الستات بيفردوه أو ممكن يربطوه بخيط ستان رمادي ، شعرهم اسود أغلبهم ، بشرتهم بيضا جدا هنا وطوال وجسمهم نحيل أو مناسب ، حلوين وباين رقتهم في الكلام والتعامل وضحكهم ، لبسهم بقي في حتة تانية ، الاكتاف عريانة بس اللبس طويل ، والألوان هنا زاهية ومبهجة .... ايه البلد الحلوة كلها دي ، هنا لبس الرجالة ٤ الوان "ابيض ، اسود ،بيج ، كحلي " .... ... فضلنا ماشيين ورا ريفال لحد مالناس كلها اتعرفت علينا وابتسموا لينا وبعديها قالوا بيستعدوا لاستقبالنا ...والله حبيتهم
"مالك ؟"
- معرفش قلبي مش مطمن للناس دي
"بالع** حلوين جدا ومريحين في تعاملهم "
- معرفش بس احنا عايزين نطلع من البلد دي ،لو عايزة تقعدي افضل اهو ارتاح منك
" والله ياريت واحد يطلع والتاني يعيش هنا ، انا عايزة ارجع لماما وبابا وانت خليك هنا واهو نرتاح منك ومن صداعك واعيش حياتي بقي "
- انا اتجوز واحدة من هنا وهما أساسا قمر وحلوين جدا واعيش ملك زماني وارتاح من صداعك
" انا صداع؟ اومال انت ايه كتلة رخامة ماشية علي الارض "
كنا بنتخانق بس قطع كلامنا واحدة حلوة تاني دخلت علينا المكان ... والله عزيز عنده حق ايه الستات القمر دي....روتينك في العناية ابغي اعرفه لو سمحتي ...
ريفال : دي الأميرة كلارا
الأميرة ابتسمت وادتنا لبس ورحبت بينا ومشيت
" عزيز انت سرحان في ايه ؟"
-شوفتي القمر دي ...دي حلوة جدا
" علفكرة انا .... احم هي احلي الصراحة بس والله لو لبست زيهم هكون احلي"
-زي مين أن شاء الله؟ انت في دماغك حاجة ؟ جسمك يكون باين ومقاسات جسمك اي حد يقدر يعرفها وشعرك تفرديه ... انتي مسلمة ياماما فوقي لنفسك
" ماانا عارفة بقول لو ..."
-مفيش لو ، متفكريش حتي مجرد تفكير
" واحد خنيق ، طيب هلبس ايه بقي ؟"
لاحظت أنه ضحك وانا مش مرتاحة لضحكته دي ...
------
ريفال : الملك والأميرة بانتظاركم ، هي فين زوجتك ومين دا ؟
ضحك' اهي جنبي ...هنا '
أتعصبت" انت مستفز ، مخليني البس لبس رجالة شبهك ومغطي شعري بعمة، والله شكلي زي المهرج"
-ليه زي؟
"عزيز بلاش استظراف، انا لبس بنطلون يلبس اربع مني وواسع زي الجيبة وهقع فيه والتيشرت واسع جدا ، وايه الالوان دي بنطلون اسود وتيشرت كحلي ، ياخي منك لله علي اللي بتعمله فيا دا ،"
-اشش كفاية رغي
كنا قاعدين بنحتفل معاهم وهنا بياكلوا اكل حلو بس ... بس شكله غريب وانا خوفت أقرب منهم ، هنا كمان في صقور جنبهم وعقارب وزواحف سامة بس هما بيتعاملوا معاهم عادي ، عزيز انتشر وواقف بيضحك مع البنات ويهزر اهو بس قطع كلامنا أن الملك قال جه وقت الاحتفال ...اومال دا كله كان ايه ...؟
طلعنا الساحة وكان في واحد واقف مصلوب ... الناس هنا واقفة بتضحك ليه محدش ساعده ... مرة واحدة الملك سقف بس ... ولقيت النسور والح*****ت كله حواليه وبيقطعوا جسمه. .... المنظر كان مق*ف والدم بينتشر في كل مكان ، استفرغت كتير من المنظر ومن الق*ف دا ، بس لقيت صقر رمي جزء من كف ايده عليا ...صرخت وجسمي بدأ يترجف...الناس كلها بتضحك ازاي، دا مات ... قعدت علي الارض بس لقيت حواليا حاجة غريبة بتشبه الافعي بس دي اكبر بكتير جدا ، كمان ليها رجلين كتيرة ..... لفيت ديلها حواليا ورمتني مكان الراجل .... كان كل انش في جسمي بيترجف ، بدور علي عزيز بس مش موجود ، مش لاقيه ، محتاجة وجوده خصوصا دلوقتي ، قرب الافعي دي مني وطوالها اللي يرعب وشكلها هيوقف قلبي من الخوف ، الناس هنا متجمعة وبيضحوا ... معرفش أعمل ايه وقفت اجري ، مفيش حاجة هنا تنقذني ....مسكتني من رجلي بانيابها ورمتني بعيد. ...كنت دايخة من الطبخة وحاسة بألف صعب في رجلي بسبب أنايبها، مش قادرة اقف حواليا خالص ، ولا شايفة كويسة ،مش سامعة غير صوت الناس اللي حواليا وضحكهم .... هما ممكن اموت هنا .... دقيقة معقولة دا يكون الاختبار اللي كلمتني عنه ريفال...مشاعري وحبي الصادق ... لازم حد اكون واثقة أنه بيحبني زي مااحبه
ريفال : يجب أن تفكري في ٣ أشخاص يكنوا لك الحب ومشاعرهم صادقة ، لا يوجد هدفهم من حبك ، بيحبوك لذاتك انت ، فقط ٣ أشخاص ...اخبرينا اسمهم لكن إن لم تخمني الصواب واخطات في واحد منهم ... ستكوني وجبة شهية لملكتنا... ملكة براغما ، ستعاقبك لكذبك وتزييفك المشاعر
ممكن أصعب لحظة مرت عليا في حياتي كانت اللحظة دي بالذات ، مش عشان واقفة قدام افعي غريبة وعجيبة وطوالها قد شارعنا كله ولا حجمها يخوف ولا إصابتي والالم اللي في رجلي ولا غياب عزيز ... بس كانت صعبة عشان أنا فعلا معرفش مين اللي بيحبني بجد ، مين اللي بيحبني بدون اسباب، من غير اهداف ، بيحبني بفشلي وحزني وكأباتي وتعبي.... بيحبني وانا في اسوء حالتي ، وقتها كان الم إصابتي بسيط مقارنة بوجع قلبي اني رغم اني عندي ناس كبير بس مش متاكد اني في حد بيحبني بصدق من غير زيف مشاعر، .... هو للدرجة صعب نلاقي علاقة إنسانية صداقة ؟ نراهن عليها ونتكئ عليها بكل وجعنا وخوفنا؟ للدرجة صعب!!!
الافعي قربت من وشي جامد ، قلبي بترعب بس اتعودت اعمل زي ماعزيز علمني اغمض عنيا.... وافكر بس .... اول صورة جت في بالي ماما ....رغم خناقننا الكتيرة ومشاكلنا الا اني واثقة أنها بتحبني بجد .... حنية صوتها وحضنها وكوباية اللبن اللي بتعملها كل ليل وتحطهالي قبل ماانام. .. اسمي من بين شفايفها وهو منطوق بكل حب وحنية ،.... نطقت اسمها ... وبعديها فكرت في اصحابي كلهم واهلي وزمايلي بس ملقتش حد اثق فيه أن يكون طوق نجاة ليا، الست اللي بقعد جنبها كل يوم جمعة وهي بتبيع مناديل ... ممكن هي لأنها بتضحكلي دايما وبتحضني ... للدرجة دي معنديش حد بيحبني في حياتي .... واخيرا .... عزيز ، راهني الأكبر ... ممكن فعلا اموت لاني معرفش عزيز ولا مشاعرهم ، بس هو بيكرهني ... بس برضوا مش بياذيني ..... غمضت عنيا وقولت بصوتي كله وفكرت في ال٣ أشخاص دول
" ماما ..... بايعة المناديل ...و ..... عزيز"
كنت خايفة ومغمضة عنيا، معرفش ليه كنت حاسة اني هموت ، في بالي صورة كل واحد فيهم دلوقتي، ... انا براهن بحياتي عليهم ...... فتحت عنيا بالراحة ، مكنتش الافعي موجودة ، معناها اني صح هما بيحبوني ، هما مشاعرهم صادقة ، ريفال دخلت جابت شال وغطت شعري وجسمي ، مكنتش قادرة اتحمل لا تعب ولا عندي طاقة اني أسند نفسي ... بس رغم كده هو كان في بالي
"عزيز فين ؟"
ريفال:أنه يواجه تحديا مثلك... يجب أن ترتاحي الان فاصابتك بليغة
"تمام "
------
كنت واقف مع البنات وحاطط عنيا ليه ، بضحك علي شكلها واللبس اللي لبساه ، بس رغم كده نرتاح ، والغريب اني هي فعلا احلي، ملامحها المتغطية والمتربة احلي ، مش متصنعة تلقائية ومجنونة ... الملك اعلن انه وقت الحفلة ... كنت رايح ناحية هنا بس لحظة حد بيسحبني ... كانت الأميرة ... كنت معاها لوحدي في أوضة غريبة بس مريحة ، ... راسي كانت بتوجعني ، وجمال الأميرة بيسحرني ، جميلة جدا ، هي جميلة الجميلات أساسا ... قربت مني وابتسمت ...
الأميرة: انا معجبة بك ... مارايك بأن نتجوز وتكون الملك هنا ، لك ماشئت من جواري ومنصب ونقود واي شي تريده. .. بالإضافة إلي حبي لك ... تعلم انا لم اعتقد يوما باني ساحب أحدهم هكذا، ولكن انا اعجبت بك ، فأنت لا تشبههم هنا ، انت مميز وذكي وايضا مبتسم ونزيه ... وانا احبك
" انتي بتتكلمي بجد بتحبيني انا ؟"
ابتسمت'نعم بالطبع احبك'
"طبعا موافق اتجوزك ... مين هيرفض واحدة زيك "
كنت مبسوط ، لأنها فعلا جميلة ورقيقة جدا وكمان أميرة ، لو في مجمعتنا كنت عملت كده برضوا واحدة جميلة ومنصب وعيلة وبتحبني ، هعوز ايه تاني غير كده ... كمان هي مميزة وانا حابب امتلكها ، هي أميرة واحدة وانا عزيز بحب كل حاجة مميزة "
-حسنا هذه وثيقة زواجنا فقط اكتب هنا بدمائك انك موافق علي الزواج بي والعيش هنا للابد
مسكت القلم وكنت همضي ...لاني منتظر بسرعة أنه تكون ليا ، بس ريفال قالت لو حد فضل هنا التاني هيفضل معاه ، كمان ...' هنا " مش هينفع تعيش هنا ، يعني مينفعش اسيبها تتبهدل كده ، بس انا هكون الأمير ...لا .. هنا بتحب أهلها جدا لازم ارجعها لأهلها ، هي صديقتي المقربة وغالية عليا ، كمان مش هخليها تعيش هنا وواحد يتجوزها ...بس دي فرصة مش هتتعوض... بس انا وعدتها اني هرجعها ... وعشانها مستعد أتنازل عن اللي بتمناه
"مش هينفع امضي ، انا ملزم بوعد لحد"
- انت ترفضني؟ هل تستوعب ماتقول؟
"اه ...انتي حلوة جدا ومستحيل تترفضي بس انا مش هكون اناني واتخل عنها "
- اتعلم أن نتيجة رفضك حتما ستكون الموت ؟
" الموت؟ المهم أنها ترجع عالمنا بخير ومش مهم النتيجة"
كنت بتكلم معاها وفجاءة اتحول جمالها وجسمها لواحدة مش*هة وبدأت تصرخ ...الملك دخل وابتسم والكل كان متابع من البداية ... معقولة انه كان اختبار؟ لو كنت وافقت كنا هنموت ....ريفال حكتلي كل حاجة وأنه كان اختبار فعلا لصدق مشاعري ، والراجل وعقابه وتعب هنا ، والاختبار والافعي وإصابتها وأنها اغمي عليها بعد ماسالت عليا.... قلبي كان بيتصارع ، ومش قادر اخد نفسي من الجري واني بتسابق مع الوقت والمسافة عشان اشوفها..... وصلت وكانت نايمة ، رجلها إصابتها وحشة جدا وعضم جسمها باين ، مش قادر تخيل الالم اللي حست بيه ...طول عمرها البنت الصغيرة اللي بتخانق معاها واعصبها اول مرة النهاردة نظرتي ليها تتغير ...حمدت ربنا اني موافقتش اني امضي والا كانا هنتعاقب زي الراجل ، ....ريفال جبالها عشبة معينة وقالت خلال ٣ ايام هترجع رجلها زي الاول ...بس طول الوقت هي نايمة ، السم انتشر في جمسها، .... معرفش في ايه تاني عايزينه، ... هو انا بجد بحبها؟ مشاعري صادقة لدرجة اني ارفض كل دا عشانها؟ اني انا هنا قلبي بيوجعني عشان هي نايمة وساكتة كده ؟ أن كنت ممكن اموت من القهرة لو حصلها حاجة؟ اني فعلا هي شريكة حياتي ؟ رغم أن هنا بيقول زوج وزوجته علي الاصحاب والشركاء عادي بس ... انا بتمني اني فعلا تكوني زوجتي في أرض الواقع ....
ريفال: الملك يريدك
أتعصبت'مرت ٣ ايام رجلها بقيت كويسة بس هي مش بتصحي ليه يعني. ... انا مش عايز حاجة غير أننا نرجع ، نفذنا كل حاجة عايزين نرجع بس "
ريفال: فقط استرخي... الملك بانتظارك وسيجيبك علي اسئلتك ...
كنت عايز اموت الكل هنا ، هي رجلها بقيت كويسة بس ليه مش بتفتح عينيها حتي. ... انا اتخنقت من البلد دي
الملك: فقط اخر اختبار وهو خاص بكما ولكن انت من لديه حق الاختيار فقط ...
"اي هو بقي ؟"
الملك: زوجتك الصغيرة روحها ستبقي هنا ، فقط إذا عدت الي عالمك ستأخذ جسدها فقط
أتعصبت "يعني ايه؟ احنا عملنا كل اللي عايزاه ، عايزين نرجع بقي"
الملك: بامكانك العودة ولكن مع جسدها فقط
" انا عايزة هنا ... هنا بروحها وتكون زي ماجت سليمة بدون اي إصابة"
الملك'بخبث': القليل من تجاوز وقاوم جمال الأميرة ، ولكن الغالبية أخفق في اخر شي وفضل أن يغادر مع جسد شريكته فقط. .. حسنا ، ستبقي انت هنا مقابل عودتها الي عالمكم سالمة
غمضت عنيا واتن*دت ، كتير بتتنهي علاقات بس مش دايما بتكون نهاية فيها حب زي كده ، انا مستعد أنها ترجع ذكرياتنا رغم أن كل خناق بس مليانة حبها وجنانها وضحكها ول**نها الطويل. .. .. الكل بيحب بس نادرا اللي بيكمل بنفس الحب
"موافق ..."
-------
ريفال: اخيرا سيدتي الصغيرة ... لقد حان وقت عودتك لعالمك ، الملك أخبرني بذلك ... انتي محظوظة فانتي لد*ك مشاعر وعلاقات صادقة في حياتك ، لاقول لك شيئا انت تملكين العالم بقلبك هذا والحب الذي يسكنه
ابتسمت علي كلامها وحضنتها، لبست لبسي واستعديت ارجع بس عزيز انتظرته ومش راضي ييجي يعني
ريفال:لن يأتي سيدتي يجب عليك المغادرة فهذا الوقت المحدد ، هو سيبقي هنا مقابل عودتك
"انت بتهزري صح ...انا مش هرجع بدون عزيز "
- هنا ...لازم ترجعي ياحبيبتي ، دا وقت معين ، اعرفي اني بحبك واني هنا عشانك ، اني كمان محظوظ بوجودك ... فاكرة لما قولتي انك عايزة ترجعي لوحدك وترتاحي مني
عيطت"عزيز دا كان هزار... طيب خليني هنا معاك عشاني، عزيز ...مش هينفع ارجع لوحدي"
- الوقت بيمر ...يالا
"عزيز لا خليني معاك"
- هنا .... يلا
عزززززيز
لسه لحد دلوقتي مش قادرة اصدق اني بقيت لوحدي من غيره ، أنه خلاص مش موجود ، انا رجعت لوحدي بدونه ، انا أساسا كنت عايزة اكون معاه وبس، اني حتي منستش نظرته ، ولا شكله وهو متعصب ولا ضحكنا أو خناقنا أو مشكلانا الطفولية المعتادة ، اني اغلس عليه واضايقه ، أنه يجري ورايا ويشدني من كم التيشيرت ، اني اعضه في ايده لما اتعصب ، واني اكل أكلته المفضلة ، اني دلوقتي بقيت بمشي في الشوارع اعيط وبس ... افتكرنا وقف*نا هنا او قعادنا علي الرصيف ، ضحكنا اللي مسمع المكان كله ومشكلنا اللي بنحلها بايفهات غريبة ، اني اقعد في مكان المفضل واطلب اكلتك وافضل منتظراك علي أمل انك هترجع ....بس انت مش بترجع ياعزيز ، اني دايما واقفة منتظراك ، كل يوم بقف وانتظرك رغم اني مفيش امل يقولي انك هترجع ، تعرف انا قاعدة علي الرصيف دلوقتي اعيط جامد لو كنت هنا كنت هتقولي شكلي ب*ع وانا بعيط ، بس انت مش هنا وعشان كده انا بعيط ...طلع كل وجع بدونك وجع تاني ، ماما والجيران بيسالوا عنك وانا معنديش إجابة ...اقولهم ايه طيب ؟ انا عشان أنا اكون هنا لازم عزيز يفارقني طول العمر ، ... صعب اوي والله ياعزيز اني افضل لوحدي ، قلبي وجعاني اوي وانت مش هنا ، فكرة اني مش هشوفك تاني صعبة اوي وبتوجعني ، حتي بس المحك ...امسك ايدك أو احضنك ، انت وحشتني اوي بجد ياعزيز ، .... انت صديقي الرخم طول عمري بقولك انك بارد ورخم ونفسي تبعد بس انا بكدب ، انا مبطقش الحياة من دونك ..... عزيز .... طول عمرك بتنفذلي اللي نفسي فيه .... ممكن عشان خاطري بقي ترجعلي؟ عزيز انت وحشتني اوي
---------
كنت كل لحظة بشوفها وهي بتعيط بندم اني سبتها ، في كل مكان بشوفها ، شايف عينيها وهي بتناديني ، بتعيط وساكتة رغم اني عمري ماشوفتها ساكتة ، دايما لوحدها في أماكننا ، بتضحك اوقات وتعيط اوقات ودايما سرحانة ، جروح رجلها لسه زي ماهي ، ورغم كده بتمشي عليهم ، عارف اني لو معاها دلوقتي كانت سندت عليا وغلست جامد عشان اسندها ، ... شايفاها وهي واقفة كل يوم في البلكونة باصة للسما وبتعيط ... ملامحها اتغيرت ودبلت ، حاسس ان دي واحدة تانية ، زعلانة وساكتة دايما ، عينيها تايهة ونظرتها فيها خوف وزعل ، واقفة ومغمضة عينيها وبتتمني كالعادة. ... انا بعيد عشان أنا بحبك ... وبس
-------
- هتفضلي تعيطي كتير في الشوارع هو انا كل شوية ادور ألمك من الشوارع
"عزيز!!!"
معرفش هو بجد عزيز ولا لا ؟هو بجد واقف قدامي وبيضحك ، يعني عزيز رجع؟ جريت حضنته جامد وعيطت اجمد
- ليه العياط دا ؟انا هنا ؟
"انت هتبعد عني تاني ؟عزيز انت هتفضل هنا معايا؟ عزيز عشاني خليك...هسمع كلامك وهبطل اضايقك وهعمل كل حاجة والله بس خليك ...انا طول الوقت خايفة وتايهة ...انا معرفش في العالم دا كله غيرك ، صدقني كنت حاسة لوحدي ، مكنتش عارف اتكلم ولا اكل ولا اتعامل مع حد ، انت الشخص اللي كان بيحسسني اني طبيعية. ... عزيز. . ... انا بحبك عشاني مترجعش"
- طيب نبطل عياط شوية ...انا هنا ومش هرجع وهفضل معاكي العمر كله
"احلف؟"
-ضحك ' والله'
"طيب ازاي؟"
- اخر حاجة كانت اختبار برضوا ... انك هنا لسه في بالك وانا هناك عايش مع ناس غريبة كل دا عشانك ...هما شافوا اني صدقت في الاختبار عشان كده رجعتلك
"المهم انك رجعت ليا اخيرا"
-انا هنا جمبك
اتن*دت"ودا بس اللي عايزاه"
- بس طلعتي بتحبيني اهو
ضحكت"شوفت ...دي مغامرة ولا في الاحلام...مش مصدقة انك الكراش فعلا"
- لا انا هكون جوزك علطول ... كفاية اللي شفته هناك وتعب قلب
" ياختي كميلة ياناس ...قرة عيني قمر"
- مجنونة والله بس ... بحبك
- Writer
