C H A P T E R T W E N T Y T H R E E
ILANG oras pa lang ang nakakalipas mag mula noong press conference na ‘yon pero kalat na kalat na agad sa buong bayan at halos buong bansa ang balita patungkol sa Project Heroes. Hindi ako sigurado pero pakiramdam ko umabot na rin ang balitang ‘to sa ibang bansa dahil kaliwa’t kanan na ang kausap ni Tita Miranda at ng assistant na si Piam sa telepono, marahil mga naglalakihang kumpanya at mga sikat na personalidad na gustong makapanayam sila Lethal, Margarita, Cent, Alonica at Mint.
Kasi sino nga ba naman ang hihindi at aayaw? Kahit ako, kung may ari man ako ng isang negosyo, aba gagamitin ko sila para sa publicity ng produkto ko. Lalo na’t sila ang sentro ng atensyon ngayon at ng usap usapan.
Kahit saan ka lumingon, lahat ng tao ay abala sa binabasa
