Nine months later . . .
“DADDY!” malakas na sigaw ni Vince na nagpatalon sa ama habang nakaharap ito sa table niya sa library. Nakabukas ang pinto kaya naman rinig niya ang sunod-sunod na tawag ng anak. “Daddy! S-Si Mommy, b-bilis, manganganak na daw!” Humihingal pa ito.
“What?”
“Si Mommy po, Dad, napaihi sa bed at madaming ihi po saka may kasamang dugo.”
Pagkarinig sa pahayag ng anak ay kumaripas siya ng takbo kasunod ang hingal na hingal na si Vince.
“Son, kunin mo ang car key, bilis! Ikaw naman, Vency, ibaba mo ang bag na nasa nursery room.”
“Opo, Dad.”
“Wifey ko!” Tarantang-taranta si Lath habang namimilipit sa sakit ng tiyan ang asawa. “A-Ano’ng gagawin ko?”
“Bihisan mo ako, husband ko.”
Tumakbo siya sa closet. “Alin dito?”
“’Yong maternity dress na light blue. Ah, babe!
