Naidilat ko ang aking mga mata matapos ang mahimbing kong tulog. Ang sakit pa ng ulo at mga kasukasuan ko. Halos hindi ko maigalaw ang buo kong katawan. Parang wala akong lakas, sobrang nanghihina ako. Ano bang nangyayari sa akin?
"Buti naman at gising ka na po kayo, binibini," narinig kong sabi ng isang babae sa tabi ko na sa tingin ko ay si Paulita. Hindi naman ako nagkamali nang lingunin ko siya. Ngumiti siya sa akin. "Kumain na po kayo, binibini. Hapon na po kasi," aniya.
Nanlaki naman ang mga mata ko. Hapon na pala? Ang himbing pala talaga ng tulog ko. Naramdaman ko namang may nakadikit sa noo ko kaya hinawakan ko ito.
"Nilagyan ko po ng basang bimpo ang inyong noo, binibini. Makatutulong po kasi iyan upang bumaba po ang lagnat niyo," ani Paulita.
"Salamat." Ngumiti naman ako at
