Ilang sandali lang ay nagsidatingan na rin ang mga guardia civil. Dumami ang putukang maririnig kaya napapatakip na lamang kaming dalawa ni Paulita sa aming mga tainga habang tumatakbo palayo.
Napasigaw at napahinto naman kami nang may tumalsik na dalawang guardia civil sa aming harapan.
"Diyos ko po! Panginoon, tulungan Niyo po kami!" naiiyak na sabi ni Paulita. Nagkasabay pa kaming nag-sign of the cross dahil sa nangyari.
Tumingin naman ako sa likuran at nakita ko ang higanteng hinampas sa isang iglap ang mga guardia civil na bumabaril sa kaniya. Nagkasugat ang higante dahil sa tama ng mga bala.
Tumakbo naman palapit sa amin ang dalawang guardia personal ng pamilya namin.
"Binibini! Takbo na at magtago! Kailangang hindi kayo makita ng higante para hindi kayo mapahamak!" usal sa amin
