نبضاتي الجزء الثاني

الفصل الثاني

يحجز ناكول التذاكر ويصير الكل يجهزوا حالهم للعرس وبالليل يكونوا اوم وجوري قاعدين في الحديقه

اوم :حبيبتي

جوري:نعم حبيبي

اوم :فيك تقرصيني

جوري:ليش

اوم:مومصدق انه بكرى رح نتزوج

جوري تقرصه وهو يصرخ

اوم :ليش قرصتيني

جوري:انت طلبت مني ??

اوم :بكرى رح ورجيكي

جوري :وليش مو هلا

اوم :لا بكرى بغرفتنا بنتواجه

جوري تخجل كثير وتقوم:يلا باي

اوم :خليكي شوي ولا لتكوني خجلتي ??

جوري:غليظ يلا باي وتروح

ناكول طول النهار معصب ومابين عصبيته قدام حدا بس كان عم يغلي من جوا

يجي تاني يوم يوم العرس يطلع الصبح وسوربي مانامت طول الليل وهي بتفكر في يلي حيصير وكيف بدها تعيش مع ناكول وهو مش طايقها وتتذكر اهلها.

ويجي وقت الزواج وفي بيت اوبروي يكون كل شي جاهز واوم وناكول جاهزين وعم يستنوا جوري وسوربي وتكون بينكي عم تجهزهم فوق

بينكي :طالعين بتاخدوا العقل الله يحفظكم من العين

جوري:لو كانت امي عايشة كانت رح تحكي مثل كلامك

سوربي يصيروا عيونها يدمعوا

بينكي تلاحظ انهم زعلانين

بينكي : للتزعلوا حبيباتي هي اكيد عم تشوفكم هلا وفخورة فيكم ويلا صار الوقت لحتى ننزل

ينزلوا لتحت والكل منبهرين بجمالهم الا ناكول ما اطلع حتى التطليع بسوربي يروح اوم لعند جوري

اوم :حبيبتي طالعه بتجنني

جوري: وانت كمان بتجنن

بينكي تاخد سوربي وتوقفها جنب ناكول بس ناكول معصب كثير و عم يتصرف وكانه مابيشوفها وسوربي تزعل كثير

يعملوا كل الطقوس ويتم الزواج ويروح الكل على غرفهم

اوم:انا مبسوط كثير حبيبتي واخيرا صرتي مرتي

جوري:وانا اكثر وحده محظوظه في الكون لانك زوجي وبيحملها وهلا رح ورجيكي وهي تضحك و تتمسك في ويقبلها وو......

وبغرفة ناكول تدخل سوربي بس ناكول مابيدخل ويروح يطلع من البيت بدون مايشوفوا حدا

سوربي :لوين راح ياترى وامته رح يرجع وتقعد على التخت وتغفى من التعب

وبيطلع الصبح وبيرجع ناكول للبيت بدون مايحس عليه حد ويدخل للغرفه وبيلاقي سوربي نايمه وهي قاعده

ناكول : مابعرف كيف فيني عيش معها لهي الغ*ية

يروح للحمام يتحمم ويجهز حالوا تفيق سوربي وتشوف ناكول عم يجهز حالوا

سوربي: (امتى رجع ياترى)ويشوف ناكول انها فاقت

سوربي :رجعت وين كنت

ناكول يعصب كثير:انت ما الك علاقة فيني وين مابدي روح بروح وفي اي وقت بدي برجع فهمتي

سوربي :اي انا ماقلت شي

ناكول: بدي نبهك من هلا لاتلعبي معي دور الزوجة ولا تحلمي اني عاملك على هل الاساس

سوربي تزعل كثير: اذا هيك ليش تزوجتني ليش

ناكول :هلا قومي جهزي حالك مشان السفر وسكري على الموضوع احسن ما اعمل شي مابيعجبك

سوربي :ماني قايمه ويلا قول ليش وافقت على الزواج

ناكول يعصب كثير عليها ويمسكها من ايدها بقوة ويوجعها

سوربي :اتركني عم توجعني

ناكول :شو تعم تتوجعي ماكان بدك تعرفي ليش اتزوجتك ويضغط على ايدها بقوة اكثر

سوربي :اي بدي بس اتروك ايدي

ناكول :كله بسبب اهلك يلي ماتوا وابي طلب مني اول طلب بحياتي وماقدرت ارفض كله بسببك

سوربي تصير تبكي كثير ??

سوربي:كان فيك ترفض

ناكول معصب كثير وعيونه صاروا حمر من الغضب وماعد يعرف شو يقول :لانه انت يتيمه واهلي بيحبوك واذا رفضت رح يعتبروني قاسي وما الي مشاعر وابي رح يزعل مني وبسبب ابوك وطلبه الغ*ي زوجوني ياكي ياغ*ية وانا مابطيق حتى شوفك

سوربي تنصدم من كلام ناكول:تدفشوا وتصير تصرخ لا عاد تعيد هي الكلمه

ناكول :اي انت يتيمه يتيمه

سوربي تنهار كثير وتبكي???

ناكول :يحس انه غلط معها بالحكي ويطلع ويتركها منهارة بالغرفة

بعدين تهدى وتقوم تتحمم وتجهز حالها

سوربي :انا لازم ماحسس العيله بشي ورح قوي حالي اي مالازم اضعف قدام هذاك الاهبل ورح ورجيه كيف يحكي عني هيك

وتنزل لتحت ويكونوا كلهم قاعدين عم يفطروا

سوربي :صباح الخير

الكل :صباح النور

وناكول يطلع عليها ويشوف الحزن بعيونها ويندم على الحكي يلي قاله

بينكي : كيفك بنتي وكيف كانت ليلتك

سوربي تطلع على ناكول :منيحةخالتي

شاكتي :يلا بنتي اقعدي افطري

يفطروا الكل وهنن مبسوطين وبعدين بيصير وقت السفر وبيودعوا الكل

شاكتي :ابني ناكول مابدي وصيك على سوربي

ناكول :اي ولا يهمك بابا

سوربي تحضن جوري وتودعها

سوربي :اوم دير بالك على جوري

اوم :اي ولا يهمك وانت ديري بالك على اخي

بينكي :رح نشتقلكم كثير

ويروحوا للمطار وطول الطريق مايحكوا شي وبعدين يركبوا الطيارة ويقعدوا جنب بعض وتقلع الطائرة وفي الطريق سوربي بتغفي وبيجي راسها على كتف ناكول

ناكول وهو عم يطلع عليها نظرات ندم :(هالغ*ية شكلها نامت ) شو هادئة هي ونايمه

بعدين بتهبط الطيارة ويوصلوا على أميركا

وتكون الشركة باعته سيارة لحتى توصلهم للبيت ( البيت يلي عطتهم ياه الشركة ) ويوصلوا للبيت ويدخلوا

ناكول:اسمعيني ياغ*ية انا ماكنت بوعي الصبح وما كنت بقصد زعلك بكلامي

سوربي تعمل حالها ما سمعتوا

ناكول :طيب عامله حالك طرشة المهم ياغ*ية

سوربي :لك لاعاد تقول غ*ية يا اهبل

ناكول :اسكتي مابدي نتخانق هلا اسمعيني منيح ابي وصاني فيك لهيك انتبهي لكلامي انت هون مابتعرفي الطرقات لهيك اصحك تطلعي لبرا لحالك وكمان انا رح اشتغل يعني طول الوقت بكون برا انت لا تفتحي الباب لحدا وكمان ويكون بدوا يحكي وتقص عليه سوربي حديثه

سوربي : انا مو طفلة لحتى عم تحكيني هيك

ناكول :اي الطفله بتكون اعقل منك ياغ*يه

سوربي :شو شو قلت

ناكول :ماقلت شي

وبيروحوا بيرتاحوا بعدين سوربي تقوم دور على شي تاكلوا

سوربي :انا جوعانه كثير وهالبيت مافي ولا شي يتاكل

ناكول يكون نايم وسوربي قررت انها رح تطلع مشان تاكل شي شغله فتجهز حالها وتاخد مصاري وتطلع

.......

سوربي تجهز حالها وتطلع وناكول نايم وما حس عليها

نزلت للشارع وكان الجو بارد شوي بس حلو

سوربي :واااو عن جد بتجنن اميركا الجو حلو وناس حلوين وكل اتنين بيحبوا بعض ماسكين ايدين بعض ومو كثير معجوقة مثل شوارع الهند وهادية كثير

سوربي انسحرت بالمناظر وظلت تمشي وماحست لا بالوقت ولا بالطريق تدخل من طريق تطلع من طريق وهي مو منتبه ولقت مطعم صغير دخلت عليه وقعدت واكلت

سوربي :واخيرا شبعت كنت رح موت من الجوع يلا هلا رح ارجع على البيت اطلعت يمين وبعدين يسار بس وين انا و وين البيت وبلشت تخاف وما عرفت شو تعمل

ناكول بيفيق من النوم ويقوم يدور عليها بس مايلاقيها

ناكول:اووووف هالغ*ية ويين راحت ويلبس ويطلع يدور عليها

سوربي بلشت تبكي :ياغ*ية ليش طلعتي وانت مابتعرفي الطريق ???

بتشوفها بنت وتروح لعندها

البنت:هاي

سوربي وهي تبكي :اهلين

البنت :انت هندية

سوربي :اي وانت

البنت :واناكمان هندية بس قوليلي ليش عم تبكي

سوربي :انا جديدة هون وطلعت من البيت وضعت

البنت :انت بس وقفي بكي

سوربي:اي ماشي

البنت :طب شو اسم الشارع يلي فيه بيتك

سوربي:مابعرف

البنت :اممم اذا هيك هلا تعي معي لبيتي وبعدين رح ندور على بيتك

سوربي :ماشي وشكرا كثير الك وتزعل لانها ضايعه

ويروحوا واول مايدخلوا على الشارع سوربي بتلمح ناكول وفرحت كثير

ناكول يشوف سوربي يجي لعندها بسرعة: شو لوين رحتي صارلي ساعه عم دور عليك فكرت صارلك شي

سوربي تبكي كثير وترمي حالها في حضن ناكول

سوربي :ماكان قصدي انا بس نزل لحتى اكل شي شغله ولعدين ماحسيت على حالي وماعرفت كيف ارجع

ناكول :ماشي ماصار شي انت اهدي

سوربي تحس على حالها وتبعد عن ناكول

البنت : خلص وقفي بكي ليكك لقيتي قرايبك

سوربي:اي شكرا ليك تعبتك معي وبعرفك هذا زوجي ناكول وهي البنت ساعدتني لحتى وصلت هون بس ما سالتك شو اسمك

البنت :تشرفت بمعرفتكم اسمي مايا وانا كمان بسكن بهذاك البيت وهلا اسمحولي رح روح

ناكول : شكرا مرة تانية

سوربي:انا بدي ارجع على البيت وينوا

ناكول :ليكوا البيت ياغ*ية

سوربي :اهبل

دخلوا للبيت وسوربي كانت عم تستنى انه ناكول يعصب عليها

ناكول:اه انا مو قلتلك لا تطلعي لحالك

سوربي وهي عم تتطلع :انا مليت لحالي وانت نايم فقلت بطلع شوي وبرجع

ناكول:من اول يوم عم تعملي مشاكل شكلك رح تجنيني

سوربي :لك خلص فهمت واحد اهبل وتروح وتتركه

ناكول :اووووف غ*ية ياريت لو ضعتي كنت ارتحت منك ومن لسانك

في الهند

ناكول كلم اوم وطمنوا انهم وصلوا الكل انبسطوا وشاكتي وبينكي راحوا على عرس بنت رفيقهم . واوم كان عازم جوري على العشاء

اوم :يلا جوري رح نتأخر

جوري :يلا اجيت اجيت

اوم : ليش دايما تتاخري

جوري تجي لعنده وتكون طالعه بنجنن

اوم :عنجد بطيري العقل

جوري :عرفت ليش بتأخر يلا نروح ويروحوا ويستمتعوا كثير

ناكول :انا طالع شوي وبجي

سوربي :وروح مين ماسكك اهبل

ناكول:اوووووف غ*ية

يطلع ناكول وبعد شوي بيرجع ويكون جايب معو شوية اغراض للبيت واكل جاهز