نبضاتي الجزء الثاني

الفصل ١٢ الاخير

ناكول دخل لغرفة سوربي وباسها من جبينها :حبيبتي مارح اتأخر عليك كوني قويه ويطلع يلاقي الاولاد برا

ناكول:ياحلوين انا هلا رايح وانت بديرو بالكم على الماما ماشي ويبوسهم

الولاد :اي بس لاتتاخر

ناكول:باي رح اشتقلكم

الولاد :باي بابا

يجي المساء ناكول حجز التذكره وجهز اغراضه العيله راحوا لعند سوربي وبكيوا كثير لما شافوها هيك

وصل ناكول لسنغافورا وكان الوقت متاخر لهيك راح مباشرة للفندق مشان يرتاح شوي ومانام طول الليل وهو يفكر بسوربي

وتاني يوم من الصبح جهز حالوا وراح لعند الدكتور (هو حكى معه وعمل موعد مشان يحكوا سوا بس على اساس شغل مو عمليه)

راح ناكول لبيت الدكتور ودخل لعنده

ناكول:الدكتور فارتولوا صح

فارتولوا :اتفضل

ناكول:انا اجيت من الهند مشانك

فارتولوا :مشان شو

ناكول:زوجتي مريضه بورم في راسها وانت الوحيد يلي تقدر تعالجها او بتموت

فارتولوا يعصب:لا اسف مابقدر

ناكول:بس ليش

فارتولوا:انا وقفت شغل ومابدي ارجعله وبعدين انت قولت جاي مشان شغل مو عمليه يلا روح من هون

ناكول:انت وظيفتك تساعد الناس

فارتولوا:ما بدي ساعد حدا هي حياتي وانا حر فيها

ناكول :لك كيف فيك تعمل هيك انت فيك تنقد ارواح كثير عالم بس انت مابدك لك الدكتور بيقسم انه يعمل كل جهده مشان مرضاه وانت مابدك انت مانك حر بحياتك انت لازم تضحي بحياتك مشان مرضاك

فارتولوا:اذا خلصت حكيك روح من هون

ناكول:اي رايح اصلا انت مابتستاهل تكون دكتور ولا حتى بشر ويطلع معصب ويخبط في بنت ويروح ومايشوفها

البنت :لك مو هاد ناكول شو جابوا لهون

فارتولوا:اجيتي مها حبيبتي

مها :اي اجيت بس موهاد ناكول

فارتولوا:انت بتعرفيه

مها: هاد رفيقي وزوجته رفيقتي

فارتولوا: زوجته رفيقتك

مها :اي هي يلي كنت ساكنه معها بس ليش مستغرب

فارتولوا:هو قال انه مرته مريضه وبدها عمليه او تموت

مها :شو سوربي وتبكي

فارتولوا: خلص لاتبكي هذا قدرها

مها :كان بدوا ياك تعمللها العمليه صح وانت اكيد رفضت

فارتولوا:مها انت بتعرفي انه بعد هذيك العمليه قلت اني ماعاد رح اعمل عمليات

*

فلاش باك

في اخر عمليه لفرتولوا المريضه كان جسمها ضعيف وماقدرت تشفى وماتت وزوجها واهلها للمريضه صاروا يلوموه وهو زعل عليها كثير وقرر يوقف

*

مها :انت لازم تنسى الماضي انت دكتور شاطر والكل بيعرف انه هي جسمها كان ضعيف لهيك ماتت

في ناس كثير عندها امل وبدها تعيش وانت بتقدر تعالجهم لاتكون اناني وتحرمهم من الحياه

فارتولوا:مها

مها:انا رح ارجع للهند لعند رفيقتي اذا غيرت رايك الحقني

ناكول رجع للفندق:لك كيف رح ارجع الكل مستنيين اني جيب الدكتور معي كيف رح ارجع ويرن تلفونه

اوم :ناكولشو صار معك

ناكول :مارضي انه يعملها

اوم :لاتزعل وارجاع بسرعه

ناكول:اليوم برجع هلا باي ويجي حدا يدق على باب غرفة ناكول

يجي المساء والعيله كلها بالمشفى عم يستنوا ناكول واوم خبرهم انه الدكتور مابدوا يجي بعد شوي يجي ناكول وهو مبسوط :كيفكم ياجماعه

اوم :انت منيح اخي

ناكول:اي وكثير

ماريا :نحن بنعرف انه الدكتور مارضي لاتزعل

ناكول:ماني زعلانه

بينكي :ابني شكلك جنيت

ناكول:هههه لا ماجنيت بس الدكتور اجا

الكل :عنجد الحمد لله

اوم : بس انت قلت مارضي

ناكول:بعد ماسكرت المكالمه دق باب غرفتي

*

فلاش باك

فتح ناكول الباب لقى فارتولوا

ناكول:انت ليش اجيت

مها :انا جبتوا

ناكول :مها

مها :كيفك ناكول بعرفك هاذ فارتولوا حبيبي

ناكول:عنجد

مها :وهو رح يسافر لحتى يعمل لسوربي العمليه

ناكول: عنجد

مها :اي قدر يتجاوز خوفه

*(بعد مامها قالتلوا رح سافر وكانت رايحه هو مسك ايدها

فارتولوا :انا رح روح معك ورح اعمل العمليه بس بشرط

مها :شو

فارتولوا:انت مص*ر قوتي لهيك ماتتركيني ولا لحظه

مها :ومين قال انه فيني عيش من دونك وتحضنوا بقوة)*

ناكول :تمام انا رح احجز التذاكر اليوم رح نروح

مها :تمام رح نروح نجهز حالنا والمساء بنتلاقى في المطار

ناكول :اوك

*

جوري :مها رجعت

ناكول :اي هي وفارتولوا راحوا لحتى يشوفوا مدير المشفى مشان العمليه

ماريا :رح روح لعندهم

ناكول :بدي ادخل شوف سوربي

...........

ناكول يفوت لغرفه سوربي

ناكول :انا رجعت ياروحي وجبت معي الدكتور ورح يعملك العمليه ورح تكوني منيحه ويقرب منها ويبوسها انت رح تتغلبي على المرض ونرجع انا وياك نتخانق مثل قبل انا بحبك كثير

بعد شوي يطلع ويروح لعنده فارتولوا

ناكول:شو امتى رح تعمل العمليه

فارتولوا: قبل كل شي اجلس

ناكول:شوفيه ليش هيك متوتر

فارتولوا:انا شوفت ملف سوربي الطبي

ناكول:اي

فارتولوا :نسبة نجاح العمليه كثير ضعيف ولازم تعرف هالشي

ناكول:بعرف بس انا مافيني وقف وشوفها قدامي عم تموت وبعدين مالازم نستسلم

فارتولوا:كثير منيح كنت خايف من ردت فعلك

ناكول:لا انا عارف انه انت رح تعمل كل جهدك

فارتولوا:اذا هيك العمليه رح تكون بكرى

ناكول:تمام وهلا رح روح

فارتولوا:ماشي

ناكول:كنت رح انسى

فارتولوا:شو

ناكول:انت ومها رح تبقوا في بيتنا مافي داعي للفندق ومها راحت مع اهلي

فارتولوا: لا مابدنا نتعبكم

ناكول: اي تعب انت رفيقي

فارتولوا:اوك شكرا الك كثير

ناكول:اذاهيك يلا نروح سوا للبيت ويروحوا

يجتمع الكل على العشاء والكل عم يفكروا بسوربي وما حدا اله نفس ياكل

بينكي :يا ولاد جهزتلكم غرفكم اذا بدكم قوموا ارتاحوا

مها :اي يلا فارتولوا بكرا وراك عمليه مهمه كثير ولازم ترتاح

ناكول: فارتولوا بدي احكيك بشغله قبل ماروح لسوربي

فارتولوا:شو فيه

ناكول :يلا تعال معي للحديقه وبحكيلك

يطلعوا للحديقه

ناكول:في الحقيقه بدي منك شغله

فارتولوا:شو

ناكول:........

فارتولوا :بكرا قبل العمليه رح شوف وخبرك شو بيصير

يروح ناكول للمشفى ويظل طول الليل فايق ويطلع على سوربي

يطلع الصبح الكل يجتمع قدام غرفة سوربي يتقابلوا جاسر ومها

جاسر :مها شو رجعتي امتى

مها :اي امس انا وفارتولوا

ماريا واقفه بعيد مع جوري

ماريا:شو مين هي

جوري :هي مها رفيقه سوربي وكانت تشتعل مع جاسر

ماريا :(معقول هي مها يلي حكالي عليها وقال كان يحبها) اي انا رح روح جهز حالي مشان العمليه

ناكول قلقان كثير وفي نفس الوقت مش قادر يتخيل حياته من غير سوربي يجي لعنده فارتولوا

فارتولوا:هاي

ناكول:اهلين

فارتولوا: شو كيف معنوياتك

ناكول: قلقان كثير

فارتولوا:انا جاي وجايب معي خبر حلو

ناكول :مشان موضوع امبارح

فارتولوا:اي

ناكول:شو صار معك

*

فلاش باك

ناكول :في بالمشفي ٤ اولاد هنن كمان مرضى وبدي منك تعالجهم

فارتولوا:بس

ناكول:بترجاك هنن ملائكه بيجننوا وبيستاهلوا نحارب من شانهم هنن ما الهم ذنب حتى يمرضوا

*

فارتولوا:وضعهم منيح ورح اعمللهم العمليه

ناكول:عنجد الحمد لله

فارتولوا:بس البنت الصغيره وضعها صعب شوي

ناكول:انا واثق فيك وانت رح تنقدهم

فارتولوا :كل شي جاهز للعمليه وبعد شوي نبلش

جوري ومارياوجاسر واوم واقفين بعاد شوي من ناكول وفارتولوا

جوري :هذاك هو الدكتور

ماريا:اي وكثير حلو بيجنن بيطير العقل

جوري: معك حق لو ماكنت متزوجه كنت حبيته

ماريا:اي وانا عجبني كثير طوله شعر ضحكته بيجنن

جاسر واوم يعصبوا

جاسر:مابعرف شو عجبكم فيه

اوم :اي مو حلو

ناكول فات لغرفة سوربي باسها من جبينها وسرق قبله من شفايفها

ناكول :كوني قوية حبيبتي عم استناكي لا تتاخري بحبك ورح نكمل حياتنا سوا وكمان نجيب ولاد كثير

تجي مها وتحضن فارتولوا والكل يشوفها

مها :يلا حبيبي صار الوقت لا تخاف انا معك وكل شي رح يصير منيح

فارتولوا:يحضنها بقوة بحبك كثير

جاسر :شو طلعوا حبايب

ماريا :شو لتكون زعلت بعد ماشفتها

جاسر :شو عم تقولي انت

ماريا:يلا انا رح روح مشان العمليه

يدخل فارتولوا وماريا لغرفة العمليات وتبلش

الكل قلقانين والعمليه بلشت مر ساعتين وهنن عم يستنوا وداخل حجرة العمليات كانت العمليه صعبه بس ماشيه منيح كثير بس ماريا متوتره ويدها ترجف

بعد لحظات

فارتولوا:منيح كثير خلصنا

الممرضه :دكتور المؤشرات الحيويه للمريضه عم تنخفض

فارتولوا :شو

ماريا :رح تموت هي رح تموت

الممرضه :النبض انخفض كثير

ماريا:لا لا

فارتولوا :جهزيلي الصدمات وانت اطلعي لبرا اطلعي

تطلع ماريا وهي تبكي ويجي الكل لعندها وهنن خايفين

جوري:شو فيه ماريا

جاسر :ماريا احكي

ماريا :سوربي رح تموت

الكل بعد هالكلمه ينهار ناكول واقف مصدوم ويروح ركض يدخل لعندها

وماحدا حاسس بشي يسمعوا صوت كف قوي

مها ضربت ماريا كف

مها: لا فارتولوا رح ينقدها انت كيف بتسمي حالك دكتوره لك الدكتور بيتمسك ولو بقطره امل ومابيترك مريضه الكل عم يبكوا

ناكول فات لجوا

فارتولوا يعمل صدمات لسوربي:ناكول اطلع لبرا

ناكول:سوربي سوربي ويقرب لعندها

فارتولوا :بعد عنهاعم اعمل صدمات

ناكول واقف عم يطلع على سوربي ويبكي

فارتولوا: للاسف هي اخر مره رح جرب الصدمات

ناكول:حاول لا توقف

فارتولوا :خلص رح وقف مابقدر اكثر من هيك

ناكول يقرب من سوربي ويصير يبكي:سوربي فيقي لا تروحي انا بحبك ورح نعيش سوا رح اعمل كل شي بدك ياه مني بس لا تتركيني مابقدر عيش من دونك

فارتولوا: صار لازم نطلع

ناكول:لاااا سوربي وبقبضة ايده يضرب ص*رها

الممرضه: دكتور النبض بلش يرجع بس ضعيف فارتولوا:عنجد

الممرضه :اي النبض رجع لوضعه الطبيعي

ناكول يوقع منهار على الارض ويبكي

فارتولوا:الحمد لله كل شي صار منيح هلا ويحضن ناكول

ويطلعوا لبرا

جوري تجي بسرعه وتحضن ناكول وتبكي

ناكول:اش سوربي منيحه لاتبكي

الكل مصدومين

مها :فارتولوا شو صار

فارتولوا:كل شي منيح وسوربي صارت منيحه قدرت تتغلب على المرض

الكل فرحان ويبكوا من الفرح

بعد ساعات يرجعوا سوربي لغرفتها والكل قاعد برا عم يستنوها تفيق وناكول قاعد جنبها

وتبلش سوربي تفيق شوي شوي وتشوف ناكول دموعه عم ينزلوا

ناكول:انا جنبك لاتخافي كل شي صار منيح ورح نعيش سوا

وتبلش ترفع ايدها شوي شوي وتمسحله دموعه وهو يمسك ايدها ويبوسها

ناكول:حبيبتي انت منيحه

سوربي:اي بس حاسه بشويه وجع

ناكول: ياريتها فيني ولا فيكي

سوربي:اش وترمي ايدها على فمه وهو يصير يبوس ايدها ويمسكها ويبوس جبينها وبعدين عيونها وينزل يبوسها من شفايفها??

يفوت الكل لعندها

جوري:احم احم اسفين على الازعاج

اوم :مو على اساس بتخبرنا اول ماتفيق سوربي

ناكول وهو خجلان:اه ا انا كنت انا

جوري :خلص لاتحكي شي وتروح تحضن اختها

سوربي:حبيبتي اشتقتلك كثير

جوري :اي وانا وسوربي الصغيره كمان

سوربي :سميتيها على اسمي

جوري:اي اكيد وبكرا بتصحي وبترجع للبيت وبتشوفيها

جاسر :الحمد لله على سلامتك

سوربي:شكرا كثير الك ولمساعدتك

جاسر :الاخوه مابيشكروا بعض

ويسلموا عليها باقي العيله

جوري هلا رح نروح بس بكرى بنرجع لازم ترتاحي

ويروح الكل وكان ناكول رح يطلع بس سوربي مسكته

سوربي :لا تتركني خليك جنبي

ناكول:بعمري ما بتركك

وتجي مها وفارتولوا

سوربي :مها

مها :اشتقتلك كثير حبيبتي

سوربي:وانا بس وين رحتي وامتى رجعتي

مها :بعدين بنحكي

فارتولوا :كيف حاسه حالك هلا

سوربي:منيحه بس شوية وجع

فارتولوا :اممم بس يمكن الوجع بسبب ناكول

سوربي :شو دخل ناكول

ناكول:لا هو عم يمزح هذا الدكتور ورفيق مها اي تذكرت لازم اشكركم تنيناتكم وانت اكثر يامها لانك اقنعتيه يعمل العمليه

مها :مافي داعي للشكر نحن عيله

سوربي : اي بنشكرهم بس قولي قبل شو دخل ناكول

فارتولوا :في الحقيقه ناكول هو رجعك للحياه

مها :بس كيف

ناكول :له يارفيقي رح تفضحني قدام الكل هيك

سوربي: يلا قولنا كيف

فارتولوا :هو ضربك على ص*رك بقوه وهيك رجع نبض قلبك

مها :ييي كثير حلو

سوربي :حلو بس كيف تضربني

ناكول:لا ضربتك لساعدك

فارتولوا: يمكن لازم نروح نحن يلا سلام

ناكول:اي هلا هروب واتركني

ويطلعوا ومها تشوف ماريا

فارتولوا :نمشي حبيبتي

مها :اي بس شوي وتروح لماريا

مها :ماريا انا اسفه مشان الكف

ماريا :لا انا يلي اسفه ماعرفت اتحكم بحالي وانت كان معك حق شكرا كثير الك خليتيني ارجع لعقلي

مها : مافي داعي للشكر انت رفيقتي

سوربي وناكول

ناكول:حبيبتي صدقيني انا عملت هيك مشانك

سوربي:اوك بس بدي رجعهالك بس انت تعالا نام جنبي مشان اقدر اوصلك

ناكول:ماشي اذا بتسامحيني رجعيها ويروحيتسطح جنبها ويغمض عيونه يلا رجعيهالي

سوربي تطلع عليه وتقرب منه وتبوسه على شفايفه

ناكول:يفتح عيونوا عنجد اذا هيك بضربك دايما ??

وبعد فتره سوربي تصير منيحه وكمان الاولاد المرضى عملولهم عمليه وصاروا مناح وفارتولوا ومها راحوا رحله حول العالم مشان يساعدوا المرضى

جاسر وماريا وبسبب شغل جاسر انتقلوا لمدينه تانيه بس لساتهم كلهم عم يتواصلوا مع بعض

جوري:يلا بسرعه اوم اليوم سوربي رح ترجع للبيت ولازم يكون كل شي جاهز

اوم :لا تخافي ناكول جهز كل شي

يجي المساء وسوربي وناكول رجعوا لبيت

والكل رحب فيهم واتعشوا وحكوا واستمتعوا كثير

ناكول :هلا صار لازم نروح

سوربي:بس لوين

ناكول: يلا قومي بعدين بتعرف

ويروحوا لبيت اهل سوربي ويكون كله مزين ورود وشموع

سوربي :عنجد كثير حلو

ناكول يحملها :وهلا بدنا نروح لغرفتنا هي بتكون ليلتنا الاولى

سوربي خجلانه كثير

ناكول: دخيل الخجلان انا

ويروحوا تكون الغرفه مزين وكثير حلوة

ناكول ينزل سوربي على الارض ويحضنها

ناكول:سوربي

سوربي: يانبض قلبها لسوربي

ناكول :انا ماني مصدق حالي انت عنجد معي وقدامي

اوعديني رح نعيش مع بعض ومانفترق ابدا

سوربي: اي صدق وبفضلك انا هون وبوعدك رح نظل طول عمرنا سوا انا وانت يلي رجعتلي نبض قلبي يا عمري