Chapter Six
Bumalik si Chastine sa ospital matapos ang lahat ng kamalasang naganap sa kanya. Wala na don ang matalik na kaibigan. Mahimbing na rin ang tulog ng kanyang tiya Bebang. Cancer ang sakit nito ngunit hindi man lang niya makuhanan ng magandang kwarto sa ospital na yon sa Taguig. May tatlo itong kasama sa silid na iba-iba rin ang sakit.
Napasandal siya sa pader sa labas ng kwarto. Doon siya naupo at nagpatuloy sa pag-iyak. "I'm sorry Tiya." Huling usal niya bago dalawin ng antok dahil na rin sa labis na pagod.
"Chas... huy Chas gumising ka nga." Halos yugyugin na ni Dhazle ang kanyang balikat para magising siya.
"Ano ba?"
"Gaga umaga na. Bakit dito ka natulog?"
"Umaga na?! So ngayong araw na dapat ang chemo ni tiya?" Halos manlaki naman ang kanyang mga mata. Gising na gising
