"MAMA, PARA PO!" ang sigaw ni Mariz sa jeepney driver.
Napasulyap si Edna sa kaibigan. "Saan tayo pupunta?" mahinang bulong niya.
"Halika na bumaba na muna tayo." At huminto na nga ang jeep. Naunang lumabas ng jeep si Mariz habang nakasunod naman si Edna.
Nang makalabas ang magkaibigan ng jeepney ay doon lamang nakita ni Edna ang buong paligid. "Anong ginagawa natin dito sa harap ng arena?"
"May hihintayin lang tayo. Tapos manonood tayo ng baaketball sa loob. First time kong manonood d'yan sa loob, Edna," parang nasisilihan ang puwet ni Mariz na sobrang excited.
Natawa naman si Edna sa kaibigan niya. Sobrang kalog ni Mariz na may pagkamataray. Hindi ito kaya ng amo nilang si Noel. Si Noel ang manager nila pero mas amo pa kung kumilos an kaibigan niya. Malaking palaisipan kung ano ba
