CHAPTER 128:
Gabi bago mangyari ang utos ni Maestro kina Thunder at Onyx.
Matapos mabanggit ni Dave ang tungkol sa pag-aalala niya sa kaligtasan ng kanyang pamilya, agad na nakaramdam si Owen ng takot dahil tiyak nilang tama ang kanilang hinala… alam na ni Maestro ang tungkol sa pagsuway nina Dave at Carlo sa utos niyang patayin si Shaika, kaya alam nilang hindi nito palalampasin ang panlolokong ginawa nila at hindi magtatagal ay gaganti ito sa kanila.
Nagkatinginan sina Shaika at Owen, parehong may pag-aalala ang tinginan nila sa isa’t isa. Hindi man nila sabihin ay iisa lang naman nag laman ng kanilang isipan: kailangan muna nilang masigurong ligtas ang pamilya ni Dave bago nila simulan ang plano laban sa mag-ama na kasama si Zeldris. Wala silang dapat sayangin na sandali dahil anoman
