CHAPTER 96:
Sa isang mamahaling restaurant napili ni Governor Samantha de Castro na makipag-usap kay Carlo. Ito ay hindi dahil gusto nilang magkaroon sila ng maayos na ambiyansa habang pinag-uusapan kung paano nila gagawin ang kanilang balak laban kay Shaika. Bagkus ay para ipakita lang sa ibang tao na isa lang itong simpleng dinner date kasama ang isang matalik na kaibigan.
Magaling sa pakitang tao si Samantha, ayaw na ayaw niyang magkaroon ng kahit kaunting bahid na mali sa nakikita ng tao sa kanya kaya kahit ang ganitong uri ng pag-uusap ay gusto niyang makita ng iba na parte ng kanyang pagpapakita ng mabuting asal sa kanyang kaibigan—kahit na wala naman ang nakapansin na may appointment siya ngayong gabi.
Nauna si Carlo sa lugar kung saan sila magkikita ni Samantha, pero bago pa siy
