┈┈┈┈◦•✩•◦┈┈┈┈
Mahigit dalawang linggo na rin ang lumilipas na walang palya si Darwin sa pagbisita sa bahay nila Aurora upang makuha niya ang loob ng kanyang anak. Pero kahit na ano yata ang gawin niya, ay ni hindi man lamang siya kinakausap ng kanyang anak. Ni hindi siya magawang tignan nito, pero hindi naman nito susukuan ang anak.
Naghahanda naman si Aurora para sa lakad nila ni Darren at ng mga kaibigan niya papuntang park kung saan nagtatrabaho si Ardam. Excited na excited ang kanyang anak, halos hindi mapakali, dahil ito ang pangakong matagal na niyang hinihintay mula sa kanyang ina... ang makasama ito. Buong maghapon nilang ilalaan sa park rides ang kanilang oras, at ayon pa kay Darren ay sasakyan niya lahat, walang makakalampas sa kanya. Sisiguraduhin din niya na mapapatunayan ni
