Nang magpaalam na ang mga kaibigan ni Tyron ay namayani sa'min ang katahimikan habang naglakad-lakad kami sa lilim ng mga punong nakapalibot sa malawak na field ng university.
Hinintay kong si Tyron ang magbukas nang usapan kahit na nangangati na akong magtanong.
"She's my friend," ilang sandali pa ay mahinang panimula ni Tyron.
Alam kong si Maria Clara ang tinutukoy niya.
"Three years after I met her abroad, she was diagnosed with Alzheimer's disease," patuloy na pagkukwento ni Tyron. "Pero maging iyong sakit niya ay nakakalimutan niya."
Muli kong naramdaman iyong pamilyar na pamamanhid sa puso ko dahil sa natuklasang karamdaman ni Maria Clara.
"Most of the time ay napaghalo-halo niya iyong mga pangyayari sa nakaraan at kasalukuyan. Nakakalimutan niya ang pamilya niya, ang kanyang
