BUMALIK NA naman siya sa bar kung saan sila nag-inuman ni Brael. Nandito siya ngayon dahil naiinis siya sa Papa niya. Gusto na talaga ni Hasumi ang maglibang ngayon sa bar kapag may hindi sila pagkakaintindihan ng Papa niya. Hindi na kasi tulad ng dati na may malalapitan siyang mga kaibigan kapag may dinadala siyang mabigat na bagay sa puso niya. Ngayon kasi ay sarili na lamang niya ang sinasandalan niya.
Namimiss na niya ang dalawang kaibigan niya pero hindi niya sila puwedeng makita. Delikado na kasi ang lagay niya kasi ay alam na ng ibang assassin kung sino talaga siya. Lahat ng nakakakilala sa kaniya ay gusto siyang patayin. Literal na nakabaon na sa hukay ang kaniyang kalahating katawan. One wrong move would be a cause of her end.
Tumungo siya sa isang table na bakante. Pinili niya
