MARAHIL ANG bawat linggo na nagdaan sa pananatili ni Markus sa Bear City ay masasabi niyang sinusubok ang kaniyang katatagan, hindi lang sa pangangatawan kundi sa emosyon at isipan. Aniya'y marami pa ring bagay sa mundo na dapat ipagpasalamat at tanggapin kung ito ang talagang ganti sa'yo ng kapalaran sa kabila ng mga naging maling aksyon mo sa buhay. At gano'n ang nais gawin ni Markus habang hindi pa man natatapos ang misyon niya sa Bear City, para naman kahit anuman ang kahinatnan ng magiging hatol sa kaniya sa araw na itinakda ay wala siyang pagsisisihan.
Matapos mapakain ang mga alagang oso ay bigla na lang naglaho si Betina. Sinubukan niyang hanapin ito sa kubo, taniman at kabundukan, ngunit hindi niya ito nakita. Kaya naman hindi niya maiwasang makaramdam ng lungkot. "Bakit hindi ma
