SA NALALAPIT na kapaskuhan ay dumating naman ang itinakdang araw para sa pinakakakabahang araw ni Betina. Ang pagdating ng pinunong oso sa Bear City.
Sa kabila nang pag-iiwasan nina Betina at Markus sa isa't isa ay hindi naging rason 'yon para tagumpay na maipaalam ni Betina kay Markus ang dapat nitong malaman.
Samantala'y abala no'n sa pagsisibak ng kahoy si Markus nang matanaw niya ang pagtakbo ng mga oso sa kung saan. Babalewalain niya na lang sana iyon subalit patakbo muling bumalik ito sa kapatagan, kasabay ang pagdating ng hindi inaasahang nilalang na siyang bahagyang nagbigay sa kaniya ng pangamba. Iyon na yata ang pinakamalaki, pinakamatapang at pinakamabangis na oso na ngayon niya lang nakita.
Ilang segundo siyang na-istatwa mula sa kinauupuan bago man marinig ang tinig ni Beti
