L U C A
Mabilis na lumipas ang isang taon.
Parang kahapon lang ay magkahawak ang mga kamay namin ni Zig habang nagtatapat ng nararamdaman sa isa't isa.
Ngayon ay magkahawak pa rin iyon ngunit pareho na kaming nakasuot ng toga.
Kapwa asul ang hood ng aming suot.
Sa wakas, graduate na kami ng kolehiyo.
Nagmadali kaming lumabas ni Zig mula sa paaralan nang matapos ang seremonya, nagpaalam kami sa mga magulang namin at sumakay sa sasakyan niya.
May ipapakita raw kasi sa akin ito.
Hindi namin inalis ang mga cap sa ulo.
Pinaandar na nito ang kotse at umalis na kami mula roon. Nasasabik ako sa kung ano ang ipapakita nito dahil ayaw naman niyang sabihin kung ano iyon. Secret daw muna at kapag naroon na kami sa pupuntahan namin, saka 'ko pa lamang malalaman.
"Ano ba kasi 'yon, mahal?"
Hi
