(Mory’s POV)
“Angie, anak!” sabik na sinalubong ni Angie ang mga magulang nito at mabilis na nagyakap ang mag-ama nang dumating na ang mga ito sa bahay niya.
“Pa, Ma, akala ko nakalimutan niyo na ako!” kunwari ay nagtatampong saad ni Angie.
“Pwede ba naman yon, anak?” Nakangiting sabi naman ni Tito Dario na halatang sobrang na-miss din nito ang anak.
“Lagi ka ngang bukambibig nila Mama at Papa, ate.” Bigla namang sabi ni Edmar na huling lumabas sa kotse. Agad nitong itinuon ang mga mata sa bahay niya at bigla itong napanganga.
Napalabi na lang si Angie at pagkatapos yakapin ang Mama nito ay ang kapatid naman nito ang niyakap ni Angie.
Lumapit naman siya sa mga magulang ni Angie at nagbigay-galang sa mga ito.
“Mabuti po at nakabisita kayo kahit biglaan. Tara na po sa loob para
