Kenji Tamayo’s PoV
“Tigilan niyo ‘yung mga babae.”
Napatingin kami ni Gino kay War nang bigla siyang nagsalita, kalalabas lang no’ng tatlo para raw magnakaw ng alak.
Mga alak na alak talaga e.
“Bakit?” tanong ni Gino na nakadapa sa higaan, si War naman ay nakasandal sa dingding. Ako ay nakatagilid sa kanila.
“Hindi niyo ba napapansin?” tanong ni War. “Para nila tayong inaakit.”
Napangisi ako. “Bakit? Naaakit ka?”
“Matik, kunwari lang ‘yan,” sabat ni Gino.
Tinaas ni War ang gitnang daliri niya. “Hindi pa natin alam kung anong meron sa isla na ‘to, kaya ‘wag kayong magtiwala sa kanila.”
“Paranoid ka lang, par,” sabi ko.
Umiling siya. “Makinig na lang kayo, masyado lang kayong natutuwa sa kanila dahil magaganda silang lahat.”
“Bakit? Ano bang nasa isip mo?” tanong ni Gino at ngumis
