Another Chance for Love

Another Chance for Love Chapter 11

"Ilang sabado na ang lumipas pero hindi pa rin namin kilala ang boyfriend mo!" sabi ni Emerald sabay hampas sa table ni Gabbie habang tumatawa.

"Next week sure na!" sabi naman ni Gabbie at pinanlakihan itong mata sabay tawa

"Ano ba yan! ang tagal naman. excited na kaming makilala yang naka bihag sa puso mo" sabi naman ni Angela habang abala sa trabaho

"Kilala nyo naman kase yun e" sabi ni Gabbie sabay tawa ng malakas dahil hindi nya mapigilan ito. Baka kase sabihin ng mga kaibigan nya ay isa syang ilusyunada pag sinabi nyang vocalist ng AA band ang kanyang kasintahan.

"Kilala namin?" takang tanong ng dalawa

"Oo naman ano ba kayo! Sikat sya sa Pinas ano?" tumatawa pa ring sabi ni Gabbie.

"Mag trabaho na nga kayo! Puro kayo chismiss!" dagdag nito at agad na inabala ang sarili sa harap ng computer

"hep hep! teka nga ha? Sino ba kase? Si Piolo Pascaul?" tanong ni Emerald sabay tawa at apir kay Angela na tumatawa rin. "Si Piolo lang ang alam namin na crush mo na kilala ng buong Pilipinas" dagdag nito habang tumatawa pa rin.

"Haay nako! Basta makikilala nyo rin yun. Sige na mag trabaho na kayo! Pag nahuli pa tayong nagke- kwentuhan malalagot tayo sa tagapag mana!" sabi ni Gabbie.

Sinasadya ni Gabbie na pasabikin ang dalawa nyang kaibigan kaya hindi pa nya sinasabi sa mga ito kung sino ang kanyang kasintahan.

"Oh concert ticket" sabi ni Gabbie sa dalawa nyang kaibigan sabay abot ng ticket sa mga ito. Nag lunch out sila kaya naman napag desisyunan ni Gabbie na ibigay na sa mga ito ang concert ticket nilang dalawa.

"VVIP concert ticket?" sabay na sabi ng dalawa nyang kaibigan habang hawak ang ticket at pinag mamasdan ito.

Friend baka nilalagnat ka ba? Ang mahal nito ah" sabi ni Angela habang nakatingin pa rin sa ticket nya

"Kaya nga. may sakit ka ba?" tanong naman ni Emerald

"Ang dami nyo namang tanong basta pumunta na lang tayo!" sagot ni Gabbie sa dalawa habang pinipigilan ang pag tawa.

"okay, okay. Di namin akalain fan ka pala ng AA Band" sabi ni Emerald

Hindi na napigilan ni Gabbie ang sarili kaya naman napatawa na sya ng malakas ngunit hindi pa rin nya sinasabi kung bakit sya merong ticket ng Banda. Ang mahal kaya ng ticket at hindi nya yun afford tapos libre pa ang dalawa nyang kaibigan. Kulang pa ang minimum wage nyang sweldo dito. Ibinigay ito sa kanya ni Ace bago sya nito ihatid sa bahay nila nung sunduin sya nito sa trabaho.

"Friend san nga 'to galing?" tanong ni Emerald

"Basta! Tanggapin nyo na lang! Kung ayaw nyo akina ibibigay ko sa iba nating workmate!" seryosong sagot ni Gabbie sabay hablot sa ticket ni Emerald

"Eto naman oh tinatanong lang" sagot naman nito sa kanya sabay bawi sa ticket nyang nasa kamay ni Gabbie.

"Pag sine- swerte ka nga naman" sabi ni Gabbie habang inaalis ang takong ng isa nyang sapatos dahil natapilok sya sa paglalakad.

Nauna na si Emerald at Angela sa office kaya nag- iisa na lang syang naglalakad dahil bumili pa sya ng konting grocery items. Malapit kase ang work place nila sa mga Mall at convenience store. Minsan kase ay hindi na sya makapag miryenda dahil sa dami ng work load kaya minamabuti nyang mag dala ng pagkain at itago ito sa drawer ng kanyang table para anytime ay pwede syang kumain pag nakaramdam sya ng gutom.

"Kawawa ka naman" natatawang sabi ng isang pamilyar na boses sabay abot ng isang paper bag kay Gabbie.

Napatingin naman si Gabbie sa taong may dala ng paper bag at agad na napangiti.

"Ikaw pala! Kaylan ka pa dumating?" tanong nya dito habang abala pa rin sa pag tatanggal ng takong nya. masyadong matigas ito kaya hindi agad nya maalis.

"kanina lang. I decided na dumaan muna sa'yo bago umuwi" sabi naman ni Nicholo

"Ito na isuot mo kaysa mahirapan ka pang alisin yan" dagdag ni Nicholo sabay kuha sa sapatos ni Gabbie na nasira. Pinaupo naman ni Nicholo si Gabbie para i- massage ang paa nyang nasaktan kanina at pagkatapos ay isinuot na nito kay Gabbie ang sapatos nyang dala.

"alam na alam mong masisira ang sapatos ko no?" sabi naman ni Gabbie dito habang nakangiti

"Well, hindi ko naman akalain na magkaka ganyan ka buti na lang pala at dumating ako. Ang lakas mo talaga sakin"

nakangiting sabi ni Nicholo habang inaalalayan si Gabbie na tumayo.

"Ouch" pag- angal naman nito.

Agad naman syang binuhat ni Nicholo na kanyang ikinagulat.

"Ibaba mo na ako! Nakakahiya kaya" sabi naman ni Gabbie dito habang nakatakip ng mukha gamit ang kanyang mga palad.

"Ano bang ikakahiya mo? Mag kaibigan naman tayo kaya ok lang. Isa pa wala naman magseselos diba?" sagot ni Nicholo na patuloy lang sa paglalakad. Hindi pa nasasabi ni Gabbie dito na meron na syang kasintahan dahil abala nga ito sa pag- aasikaso ng branch ng Company nila sa ibang bansa.

Nang makarating sila sa workplace ni Gabbie ay agad syang ibinaba ni Nicholo.

"Salamat Nick" naiilang na sabi ni Gabbie dahil pinag titinginan sila ng iba nyang mga workmate

"Ingat ka!" sabi ni Nicholo dito sabay gawad sa kanya ng halik sa pisngi bago ito umalis.

"Ayyyy!! kaya pala nag paiwan ang kaibigan natin may tatagpuin palang kaibigan" mabagal namang saad ni Angela.

"feeling ko kanina nanonood ako ng koreanovela nung ibaba ka ni Nicholo" natatawa namang saad ni Emerald

"Mag tigil nga kayo no?! Natapilok ako kanina kaya nasira ang sapatos ko! Hindi ko naman akalain na dadating si Nicholo" singhal ni Gabbie sa mga ito.

"Bakit ka nagagalit?" pang- asar naman na wika ni Angela sabay tawa.

"Haba ng hair. May boyfriend na, may knight in shining armor pa na gwapo. San ka pa?" sabi naman ni Emerald sabay palatak ng tawa.

Swerte nga talaga si Gabbie dahil laging andyan ang kaibigan nyang si Nicholo. Yung tipong dumadating ito sa oras ng pangangailangan nya. Hindi nya alam kung sinasadya ba o nagkakataon lang pero nagpa pasalamat sya dahil meron syang kaibigan na katulad ni Nicholo.