Napahawak si Ace sa kaliwang bahagi ng kaniyang dibdib— tila sinasaksak ito ng libu- libong tabak. Masakit at may kirot na hindi niya maipaliwanag. Iminulat niya ang kaniyang mga mata at ang malamlam na liwanag na nagmumula sa ilaw ng shower room ang sumalubong sa kaniyang paningin. Ang tubig na dumadaloy sa kaniyang mukha ay hinahayaan niyang sumabay sa agos ng likido na nagmumula sa kaniyang mga mata. "Sana ay ligtas ka, Gabbie...Pangako... hinding-hindi ako titigil hangga't hindi kita muling nayayakap... at sana sa susunod nating pagkikita, kaya mo na akong kausapin katulad ng dati." bulong ng isip ni Ace.
Si Gabbie sa kabilang dako ay napasinghap nang tuluyang mabitawan ang kamay ng lalaking nakahawak sa kaniya. Waring may malakas na puwersang bumulusok mula sa itaas patungo sa kani
