Hindi alam ni Erica kung paano siya nakauwi basta natagpuan na lamang niya ang sarili na nakahiga sa kuwarto niya, sa bahay ng mga magulang. She didn't bother to wash up and change into comfortable clothes basta ay nahiga na lamang siya at pinikit ang mga mata. Huminga ng malalim at hinayaan na hilahin ng antok dahil na rin sa pagod na nararamdaman.
Kinabukasan ay nagising si Erica dahil sa mahihinang katok na naririnig mula sa likod ng pinto. Dahan-dahan siyang dumilat at imbis na bumangon ay nanatili siya na nakatingin sa puting kisame habang pinapakinggan ang walang tigil na pagkatok ng kung sino man na nasa labas ng kuwarto niya. Ilang sandali pa ay humina iyon hanggang sa tuluyan na nawala. Nanatili na nakatingin sa kisame si Erica at nang masiguro na tahimik na muli ang paligid ay
