Nang marinig naman ito ng mag-asawang King Level Beasts na One-Horned White Tiger Python na sina Ginoong Triper at Ginang Vernaya ay nabalot ng kagalakan o nag-uumapaw na kasiyahan ang kanilang puso't isipan. Nagkatinginan pa ang mga ito na animo'y nangungusap ang mga pares na mga mata nito.
Agad na tumingin ang lalaking One-Horned White Tiger Python na si Ginoong Triper sa binatang si Van Grego at nagwika.
"Maraming salamat sa'yo binata. Hindi ko talaga lubos aakalaing pangungunahan ako ng selos at isa pa ay alam mo naman ang sumaryo ng nakaraan namin hindi ba. Isa rin iyon sa kinatatakutan ko o naming mag-asawa. Mahirap talagang magtiwala o magbigay ng tiwala tapos ay pagtataksilan ka lamang." Pag-amin ni Ginoong Triper habang makikitang kubos itong nagsisisi. Mababakas ang kung anuman
