"Ibahin mo ko Jinron... Wala akong kinakatakutan kahit pa ang buong Black Raven Tribe. Kung hindi lamang magkaibigan ang aking ama at ang iyong ama ay siguradong noon pa sa Arnigon Continent pa kita pinaslang kaya maging good boy ka muna bago kita iharap sa pamilya mo!" Sambit ni Kai habang makikitang seryoso ito sa sinasabi niya.
Halos mapasinghap naman si Jinron sa sinabing ito ni Kai. Hindi rin kasi niya alam kung ano ang kasalukuyang katayuan o estado ni Kai sa labas ng White Raven Tribe o kung saan ito namamalagi at kung ano ang ipinagkakaabalahan nito. Kung sakaling hindi ito takot sa Black Raven Tribe ay mas malaking grupong nasa likod ng taong ito.
Hindi naman nakaimik agad si Jinron sa labis na gulat dahil sa sinabi nito. Halata nga na hindi nito kinatatakutan ang Black Raven Tr
