"Ano ba, Hunter?! Bitiwan mo nga ako!"
Mula kotse ay hawak-hawak ni Hunter ang kwelyo ng polo shirt ni Amber at parang pusa na hinahatak siya nito papasok ng bahay.
"Hunter! Isusumbong kita kay Tita Salem!" banta niya habang nagpupumilit na makawala.
Kandatalisod pa siya lalo't nakasuot siya ng sapatos na may mataas na takong. Wala siyang choice sa attire niya dahil iyon ang ipinasuot sa kaniya ng mga kawaksing naka-assign na mag-aalaga sa kaniya sa mansion.
"Bitiwan mo 'ko, sabi! Aray! Ano ba?! Nasasaktan na ako, huh! Mamaya ka sa akin—a-aray! Isusumbong talaga kita sa mommy mo!"
Ang lahat ng pagpupumiglas at pagbabanta niya ay walang silbi rito. Mistula itong bingi. Tiningnan niya ang mga kasambahay na nadadaanan nila para humingi ng tulong, ngunit mabilis na nagsiiwas ng tingin a
