Hindi pa rin makapaniwala si Amber. Ilang oras na ang lumipas, nakatulog na nga si Hunter sa kaniyang tabi habang makayakap pa rin sa kaniya. Pero siya ay gising na gising pa rin at naiwan ang isip sa mga matatamis na salita nito.
Matapos ang confession nito kanina ay hinila siya nito sa kama at magkatabi silang nahiga. Ikinulong siya nito sa mga braso nito, hindi man gaanong mahigpit ngunit nakakandado, na para bang takot na makatakas siya.
Tinitigan niya ang bahagyang nakatago na mukha ni Hunter. Nakasubsob na kasi ito ngayon sa kaniyang dibdib, siya naman ay nakatagilid paharap dito. Lumuluwang na rin ang pagkakayakap nito sa kaniya dahil sa pagkakahimbing nito. Mukhang pagod ito. Saan nga kaya ito nagpunta kanina?
Mula sa makakapal nitong kilay ay tumungo ang kaniyang paningin sa m
